اسلام آباد۔ 15جولائی (اے پی پی) بنجائی وزیر ریلوے خواجہ سعد رفیق پارینے کہ پاکستان باصلاحیت ئِ اگہ نن تینا نت تیا سلیسون تو ملک بھاز مون آ کائک، داراست ئِ کہ پاکستان نا سالمیت نا برخلاف پیشن نا سازش کننگانے۔ نن پاکستان ئِ مون آ دننگ خوانہ وخت اس کہ عمران خان اودے پدی بٹنگ ئِ، ملک آن نیزگاری و بے روزگاری نا چٹفنگ ننا اجتماعی زمواری ئِ، دوبہ غاتا بنداو آآخا بلکن کارکڑد نا بنداو آ سیاست کروئی مرے۔ وزیراعظم محمد نواز شریف ملک ئِ شونداری نا کنڈآ دننگ ئِ وخت اس کہ عمران خان کسر اٹی اڑانڈ شاغنگ ئِ۔ ہفتہ نا دے اسلام آباد اٹی میڈیا تون ہیت وگپ کرسا بنجائی وزیر پارے کہ داسہ ہندن ئُ حالیت اس جوڑ مسنے کہ غٹ لوز مسر ونر ہچ گہس اف۔ اوپارے کہ 70 سال آن ملک آن نیزگاری و بے روزگاری نا خاتمہ مننگ کتو۔ پاکستان اٹی داطے مرے کہ وونٹ انا ذریعہ برینہ و وونٹ انا ذریعہ کانہ ، ملک آن نیزگاری و بے روزگاری نا چٹفنگ ننا اجتماعی زمواری ئِ۔
