جے آئی ٹی نا وجود 10جولائی آ تینا گڈیکو رپورٹ ئِ پیش کننگ آن پد زوت چٹا، سپریم کورٹ جے آئی ٹی ئِ 7 دے اٹی دفترئِ چٹفنگ نا موکل تسوسس ولے اونا باوجود جے آئی ٹی نا کیہی کیہی گھنٹہ غاتیا تالان داسہ ہم دیوان مننگ ئِ، داسہ ہم پیشن نا ایجنسی تیان و ادارہ غاتیان ٹیلی فون آ رابطہ کننگ انگ ئِ و ریمائنڈ گدریفنگ انگ ئِ، جے آئی ٹی نا داوخت انا کارروائیک سپریم کورٹ انا پارت آتا منافی ئُ، نن صفا کننگ اُن کہ 10 جولائی آن پد نن والیوم 10 اٹی اسہ کاغد اسے نا ودکی ئِ ہم امنا کپنہ
اسلام آباد۔ 14جولائی (اے پی پی) بنجائی وزیر مملکت اطلاعات و نشریات مریم اورنگزیب پارینے کہ جے آئی ٹی نا وجود 10جولائی آ تینا گڈیکو رپورٹ ئِ پیش کننگ آن پد زوت چٹا، سپریم کورٹ جے آئی ٹی ئِ 7 دے اٹی دفترسمٹائفنگ نا موکل تسوسس ولے اونا باوجود جے آئی ٹی نا کیہی کیہی گھنٹہ غاتیا تالان داسہ ہم دیوان مننگ ئِ، داسہ ہم پیشن نا ایجنسی تیان و ادارہ غاتیان ٹیلی فونک رابطہ کننگ انگ ئِ و ریمائنڈ گدریفنگ انگ ئِ، جے آئی ٹی نا داوخت انا کارروائیک سپریم کورٹ انا پارت آتا منافی ئُ، نن صفا کننگ اُن کہ 10 جولائی آن پد نن والیوم 10 اٹی اسہ کاغد اسے نا ودکی ئِ ہم امنا کپنہ۔ جمعہ نا دے تینا بیان اٹی اوپارے کہ چندی ذرائع غاتیان لس منظر آ بروک آ داخبر آک بے کچ افسوزناک و سپریم کورٹ نا پارت آتا منافی ئُ کہ پانامہ جے آئی ٹی داسہ ہم تینا باضابطہ کارروائی تیٹی اختہ ئُ۔ اونا کیہی کیہی گھنٹہ غاتیا تالان دیوان مننگ ئِ۔ داسہ ہم پیشن نا ایجنسی تیان و ادارہ غاتون ٹیلی فون آ رابطہ کننگ انگ ئِ و ریمائنڈ گدریفنگ انگ ئِ۔ اوپارے کہ سپریم کورٹ جے آئی ٹی ئِ بیرہ داخہ موکل تسوسس کہ او 7 دے انا تہٹی تینا دفتر ئِ چٹفے ولے دفتر ئِ چٹفنگ آن بیدس غٹ باسک و کمکار عملہ نا باوجود نئے بیرہ ملوک ئِ بلکن داٹی پدریسہ کاریم ہم مننگ ئِ۔ جے آئی ٹی نا وجود 10جولائی آ تینا گڈیکو رپورٹ ئِ پیش کننگ آن پد اشتافی چٹا ولے حیرت ئِ کہ داباسک آتیان اسٹ اس ہم تینا محکمہ/ادارہ ٹی رپورٹ کتو۔ اوپارے کہ ننکن داہیت بے کچ تشویشناک ئِ ، نن صفا کننگ اُن کہ 10جولائی آن پد نن والیوم 10 اٹی اسہ کاغد اسے نا ودکی ئِ امنا کپنہ۔ اوپارے کہ اگہ جے آئی ٹی کاریم ئِ چٹفتویسس تو اودے سپریم کورٹ آن باضابطہ ودکی خواﺅئی ئسک ۔ دفتر ”وائنڈ اپ“ نا موکل ہلسا جے آئی ٹی نا وڑاٹ تینا کاریم ئِ برجاءتخنگ سپریم کورٹ نا ہم توہین ئِ۔
