اسلام آباد ایئر پورٹ نا پن ئِ تجویز کننگ کن خصوصی کمیٹی اس قائم، پٹرولیم نا پٹنگ کن ایم او یو آ دستخط کن کویت تون ہیت وگپ نا بناءکننگ نا منظوری
چندی ملک آتون، ایم او یوآ ہیت و گپ انا بناءکننگ، دستخط و خراج و ہڑتوم آ کنڈآتا کمکاری نا معاہدہ غاتا منظوری
اسلام آباد۔ 13جولائی (اے پی پی) وزیراعظم محمد نواز شریف نا کماشی ٹی بنجائی کابینہ نا دیوان پنچ شنبے نا دے وزیراعظم آفس اٹی اڈ ہلک۔ ایوان وزیراعظم نا میڈیا ونگ انا رداٹ کابینہ اسلام آباد ایئر پورٹ نا پن ئِ تجویز کننگ کن خصوصی کمیٹی اس اڈ تس۔ کمیٹی ٹی بنجائی وزیر پورٹس اینڈ شپنگ میر حاصل خان بزنجو، وزیراعظم نا خصوصی کمکار عرفان صدیقی، وزیر مملکت اطلاعات مریم اورنگزیب و وزیراعظم نا خصوصی کمکار بیرسٹر ظفراللہ اوار ئُ۔ کابینہ نا دیوان اٹی سوئی ناردرن گیس پیپ لین لمیٹڈ(ایس این جی پی ایل)،پٹرولیم و قدرتی وسیلہ غاتا منیجنگ ڈائریکٹر/چیف ایگزیکٹو آفیسر نا تقرری نا منظوری تننگا۔ کابینہ آئل اینڈ گیس ریگولیٹری اتھارٹی (اوگرا) نا ممبرز گیس و آئل نا تعیناتی نا شرائط و ضوابط نا ہم منظوری ئِ تس۔ دیوان اٹی 29مئی 2017ئ، 30مئی 2017ء، 6جون 2017ئ، 30 مئی 2017ئ، 7جون 2017ءئِ کابینہ نا کمیٹی توانائی نا دیوان آتیٹی کروک آ فیصلہ و کابینہ نا اقتصادی رابطہ کمیٹی نا 17جون 2017ءآ کروک آ فیصلہ غاتے پک کننگا۔ کابینہ پاکستان و مالدیپ نا نیام اٹ سیل و سوات میدان اٹی تعلقداری تا مون آ دننگ نا بارواٹی ایم او یو آ دستخط کن ہیت وگپ نا بناءکننگ و دستخط کننگ، پاکستان ٹریڈ ڈویلپمنٹ اتھارٹی و کرغزستان نا اسٹیٹ ایجنسی زرکاری و مون آ دننگ برآمد آتا نیام اٹ ایم او یو آ ہیت و گپ نا بناءکننگ و دستخط کن، ٹریڈ ڈویلپمنٹ اتھارٹی آف پاکستان و تاجکستان نا وزارت اقتصادی شونداری و واپار نا نیام اٹ ایم او یو آ ہیت وگپ انا بناءو دستخط، ٹریڈ ڈویلپمنٹ اتھارٹی آف پاکستان و آذربائیجان ایکسپورٹ اینڈ انوسٹمنٹ پروموشن فاﺅنڈیشن نا نیام اٹ ایم او یو آ ہیت وگپ نا بناءو دستخط کن موثر بہ ماضی منظوری ئِ تس۔ کابینہ مالدیپ کن 10ملین ڈالر نا ڈیفنس کریڈٹ لین اس ملنگ کن ایم او یو نا مسودہ آ ہیت وگپ انا بناءکننگ نا منظوری ئِ تس۔ دیوان اٹی پاکستان و مالدیپ نا نیام اٹ مالدیپ نا سول سروس کمیشن نا کنڈآن نیشنل اسکول آف پبلک پالیسی اتون ایم او یو آ دستخط نا منظوری ئِ تس۔ کابینہ پاکستان نا فارن سروسز اکیڈمی و مالدیپ نا فارن سروس انسٹیٹیوٹ نا نیام اٹ ایم او یو آ ہیت وگپ انا بناءکننگ نا منظوری ئِ تس۔ داکان بیدس پاکستان و آذربائیجان نا نیام اٹ فضائی خذمت معاہدہ کن ہیت وگپ انا بناءکننگ نا منظوری ئِ تس۔ پاکستان و سربیا نا نیام اٹ فضائی خذمت آتا بارواٹی ہیت وگپ انا بناء، پاکستان و ویت پن انا نیام اٹ فضائی خذمت آتے کن ہیت وگپ انا بناءکننگ، برازیل اتون فضائی خذمت آتا معاہدہ نا بارواٹی ہیت وگپ انا بناءنا ہم اصولی منظوری ئِ تننگا۔ دیوان اٹی ماحولیاتی بدلی نا بارواٹی اقوام متحدہ فریم ورک کنونشن نا کیوٹوپروٹوکول اٹی دوحہ ترمیم قبول کننگ نا منظوری ئِ تس۔ ڈیزاسٹر مینجمنٹ نا بشخ اٹی کمکاری نا بارواٹی قزاخستان نا وزارت داخلی امور نا ہڑدڑی حالیت آتا کمیٹی واین ڈی ایم اے، وزارت ماحولیاتی بدلی نا نیام اٹ ایم او یو آ دستخط، دفاعی میدان اٹی کمکاری نا بارواٹی پاکستان و انڈونیشیانا حکومت نا نیام اٹ معاہدہ نا منظوری تننگا۔ کابینہ پاکستان و ترکی نا نیام اٹ تربیت، تکنیک و سائنس نا بشخ اٹی عسکری کمکاری نا بارواٹی معاہدہ ٹی ترمیم نا پروٹوکول آ دستخط و توثیق نا منظوری ئِ تس۔ دیوان اٹی تھائی لینڈ و پاکستان نا نیام اٹ دفاعی کمک نا ایم او یو آ دستخط، وزارت دفاعی پیداواری و پولینڈ نا وزارت قومی دفاع نا نیام اٹ ڈیفنس ٹیکنیکل اینڈ انڈسٹریل ئِ آپریشن نا بارواٹی ایم او یو نا مسودہ آ ہیت وگپ انا بناءکننگ، ”کاریک“ انسٹیٹیوٹ نا بارواٹی بین الحکومتی معاہدہ نا توثیق نا ہم منظوری ئِ تننگا۔ پاکستان و کیوبا نا نیام اٹ سیل و سوات نا میدان اٹی ایم او یو نا منظوری ئِ تننگا۔ آئی سیسکوریجنل سینٹر فارمیڈیا ٹریننگ اینڈ کوالیفیکیشن فارایشین ریجن بنجائی تعلیم و کسبی تربیت نا بابت منظوری تننگا۔ کابینہ ترکی و پاکستان نا نیام اٹ بڑزکو تعلیم نا میدان اٹی کمک نا معاہدہ آ ہیت وگپ و دستخط نا باضابطہ منظوری ئِ تس۔ رشین اسٹیٹ یونیورسٹی فارہیو منٹیزو نیشنل یونیورسٹی آف ماڈرن لینگوئجز اسلام آباد نا نیام اٹ کمک کن عمومی معاہدہ غا ہیت وگپ و دستخط نا موثر بہ ماضی اصولی منظوری ئِ تننگا۔ مانیٹرنگ یونٹ پاکستان و فنانشنل انٹیلی جنس یونٹ ترکمانستان نا نیام اٹ منی لانڈرنگ و دہشت گرد آتے فنانسنگ نا بابت مالیاتی انٹیلی جنس نا تبادلہ ٹی کمک نا بابت ایم او یو نا توثیق نا منظوری ئِ تننگا۔ اسٹیٹ بینک آف پاکستان و روس انا سینٹرل بینک انا نیام اٹ ہڑتوم آ کنڈآتا کمکاری نا ایم او یو آ دستخط نا منظوری ئِ تننگا۔ کابینہ پاکستان نا وزارت خارجہ امور و سویلی افریقہ نا بشخ بین الاقوامی تعلقداری و کمکاری نا نیام اٹ ہڑتوم آ کنڈآتا صلابت نا بارواٹی ایم او یو آ ہیت وگپ نا بناءکننگ نا منظوری ئِ تس۔ کابینہ وزارت خارجہ امور و نائجیرنا وزارت خارجہ امور نا نیام اٹ ہڑتوم آ کنڈآتا صلابت نا بارواٹی ایم او یو آ ہیت وگپ انا بناءکننگ نا منظوری ئِ تس۔ کابینہ وزارت خارجہ امور و زمبابوے نا وزارت خارجہ امور نا نیام اٹ ہڑتوم آ کنڈآتا صلابت نا بارواٹی ایم او یو آ ہیت وگپ نا بناءکننگ نا منظوری ئِ تس۔ کابینہ وزارت خارجہ امور و تنزانیہ نا وزارت خارجہ امور نا نیام اٹ ہڑتوم آ کنڈآتا صلابت نا بارواٹی ایم او یو آ ہیت وگپ نا بناءکننگ نا منظوری ئِ تس۔ کابینہ وزارت خارجہ امور و ایتھوپیا نا وزارت خارجہ امور نا نیام اٹ ہڑتوم آ کنڈآتا صلابت نا بارواٹی ایم او یو آ ہیت وگپ انا بناءکننگ نا منظوری ئِ تس۔ کابینہ وزارت خارجہ امور و سینیگال نا وزارت خارجہ امور نا نیام اٹ ہڑتوم آ کنڈآتا صلابت نا بارواٹی ایم او یو آ ہیت وگپ انا بناءکننگ نا منظوری ئِ تس۔ کابینہ وزارت خارجہ امور و کینیا نا وزارت خارجہ امور نا نیام اٹ ہڑتوم آ کنڈآتا صلابت ان بارواٹی ایم او یو آ ہیت وگپ انا بناءکننگ نا منظوری ئِ تس۔ کابینہ وزارت خارجہ امور و رومانیہ نا وزارت خارجہ امور نا نیام اٹ ہڑتوم آ کنڈآتا صلابت نا بارواٹی پروٹوکول آ دستخط نا منظوری ئِ تس۔ کابینہ پاکستان و ازبکستان نا نیام اٹ کشت وکشار نا میدان اٹی کمکاری نا بارواٹی ایم او یو، یوگنڈاتون کشاری کمکاری نا بارواٹی ایم او یو آ دستخط کن ہیت وگپ نا بناءکننگ نا اصولی منظوری ئِ تس۔ دیوان اٹی پاکستان اٹی پٹرولیم نا پٹنگ کن ایم او یو آ دستخط کن کویت تون ہیت وگپ انا بناءکننگ نا منظوری ئِ تننگا۔ پاکستان و انڈونیشیا نا نیام اٹ دوہرے خراج آن گریز و معلومداری نا تبادلہ نا بارواٹی اپڈیشن آف آرٹیکل کن آمدن خراج نا بابت مالیاتی دُزی نا تدارک کن ساڑی آکنونشن اٹی ترمیم، پاکستان و ترکمانستان نا نیام اٹ دوہرے خراج آن گریز و معلومداری نا تبادلہ نا بارواٹی اپڈیشن آف آرٹیکل کن آمدن خراج آتا بابت مالیاتی دزی نا تدارک کن ساڑی آ کنونشن اٹی ترمیم، پاکستان و ویتنام نا نیام اٹ دوہرے خراج آن گریز و معلومداری نا تبادلہ نا بارواٹی اپڈیشن آف آرٹیکل کن آمدن خراج نا بابت مالیاتی دُزی نا تدارک کن ساڑی آ کنونشن اٹی ترمیم نا اصولی منظوری ئِ تس۔ کابینہ سوڈان وپاکستان نا نیام اٹ کاٹن ریسرچ ڈویلپمنٹ نا بارواٹی ہیت وگپ انا بناءکننگ نا ہم اصولی منظوری ئِ تس۔
