اسلام آباد۔ 13جولائی (اے پی پی) صدر مملکت ممنون حسین کوئٹہ ٹی دہشت گردی نا واقعہ نا ترند انگا لوز آتیٹی مذمت ئِ کرینے ہراٹی پولیس افسر و مسہ کارندہ شہید مسر۔ پنچ شنبے نا دے ایوان صدر آن جاری بیان نا رداٹ صدر مملکت داواقعہ ٹی نہادی جان تا زیان آ است ہسونی نا درشانی ئِ کرے۔ اوشہید مروک آ پولیس افسر و کارندہ غاتے کن بارگاہ الٰہی ٹی درجہ غاتا بڑزی کن دعا کرے و اوفتا خاہوت تون ہڑزخواہی نا درشانی ئِ کرے۔ صدر مملکت تعلقدارادارہ غاتے پارت کرینے کہ ٹھپی تے طبی آسراتی تا فراوانی ٹی ہچ ئُ دقیقہ فروگذاشت کننگپ۔
