جے آئی ٹی ئِ رپورٹ مئے زاتی کاروبار ئِ بابت ئَ بٹاک، الزم ئُُ بھتام آنی گرنچ انت، مئے ھاندان ئَ سیاست ئَ چہ اِچ نہ کٹ اِتگ البتاسک باز چیز بیگواھ کتگ، ادا اربانی کلدار ئِ منصوبگ لگگ ئَ اِنت بلے اِچ لٹ ئُُ پُل نہ بوھگ ئَ اِنت، جمہوریت ئِ سوداگر ئُُ پندلی ٹولیگ ئِ گوشگ ئِ پد ئَ استیپاھ نہ دیاں؟ اللہ ئِ فضل ئُُ کرم ئَ چہ منی اندری ھم زات ئِ سرئَ اِچ بار نیست، وھد ئُُ موہ ئِ سر ئَ دُرستیں راز پچ بنت، آ وھد سک باز دور ئُُ گستا نہ اِنت، جوڑیشت ئُُ دیمروئی ئِ سپر ئَ را ڈی ریل بوھگ ئَ نئیل آں، پاکستان ئِ گوست ئَ اے تماشاھ چاروکیں مردم آنی سبب ئَ ٹوھیں نیاد بباد داتگ، اے رچ نوں بند بہ بیت،
مزن وزیر محمد نواز شریف
اسلام آباد ۔ 13 جولائی (اے پی پی) مزن وزیرمحمد نواز شریف ئِ استیپا نہ دیگ ئِ جار ، کابینہ ئِ باسک آں گوںترندی ئَ وش اَتک کنان ئَ پیسلہ ئَ را برجا کت، جے آئی ٹی ئِ رپورٹ مئے زاتی کاروبار ئِ بابت ئَ بٹاک، الزم ئُُ بھتام آنی گرنچ انت، مئے ھاندان ئَ سیاست ئَ چہ اِچ نہ کٹ اِتگ البتا بیگواھ سک باز چیز کتگ، ادا اربانی کلدار ئِ منصوبگ لگگ ئَ اِنت بلے اِچ لٹ ئُُ پُل نہ بوھگ ئَ اِنت، جمہوریت ئِ سوداگر ئُُ پندلی ٹولیگ ئِ گوشگ ئِ پد ئَ استیپاھ نہ دیاں؟ اللہ ئِ فضل ئُُ کرم ئَ چہ منی اندری ھم زات ئِ سرئَ اِچ بار نیست۔ مسلم لیگ (ن) ئَ چہ استیپاھ ئِ لوٹ کنوک آنی ھواریں ووٹ آں چہ گیش ووٹ گپتگ۔ بُنجاھی کابینہ ئِ باسک آں مزن وزیر ئِ استیپاھ ئِ لوٹ ئَ را گوں ترندی ئَ ایراد گپت، ئُُ مزن وزیر ئَ ر ا سیٹ ئِ سر ئَ بوھگ ئِ پیسلہ ئَ را وش اتک کت ۔ اے شاتی ھال ئِ رد ئَ آواں ڈیسک ئَ را دست ئِ سر ئَ جت ئُُ پیسلہ ئِ برجا بوھگ ئَ را نشان دات۔ مزن وزیر ئَ گوشت کہ جے آئی ٹی ئِ رپوٹ مئے زاتی کاروبار ئِ بابت ئَ بٹاک، الزام ئُُ بھتام آنی گرنچ اِنت۔ مئے ھاندان ئَ سیاست ئَ چہ اِچ نہ کٹ اِتگ البتا بیگواھ سک باز چیز کتگ۔ آئی ئَ گوشت کہ اِدا اربانی کلدار ئِ منصوبگ جنگ بوھگ ئَ اِنت ایشی ئَ ابید لُٹ ئُُ پُل سہرا اِچ نیست۔ مزن وزیر ئَ گوشت کہ چار سال ئَ ما جوڑیشتی ئُُ دیمروئی کار اینکیاس بوتگ ھمینکیاس کہ بیست سال آنی اندر ئَ نہ بوتگ۔ آئی ئَ گوشت کہ پدا ملک ئَ کوراسی، شنگ ئُُ تالان کت نہ کناں۔ آئی ئَ گوشت کہ جمہوریت ئِ بھا ئُُ سیم ئُُ پندل ساچیں مردم آنی ٹولیگ ئِ گوشگ ئِ رد ئَ استیپا نہ دیاں؟ اللہ پاک ئِ فضل ئُُ کرم ئِ سبب ئَ منی اندری ھم زات ئِ سرئَ اِچ بار نیست۔ 1985ئَ چہ بگر مرچیئَ تاں 32سال ئِ ساھت ئَ یک کلدار ئے ئِ دُزی ئُُ ڈنگی اگاں بوتگ گڈا بگش، تواے الزم ئَ آورت نہ کنے۔ مزن وزیر ئَ گوشت کہ وھد ئُُ موہ ئِ آیگ ئَ پد دُرستیں راز پچ بنت، آ وھد گیش دور نہ اِنت۔ مزن وزیر ئَ گوشت کہ جوڑیشت ئُُ دیمروئی ئِ سپر ئَ را ڈی ریل بوھگ ئَ نئیل آں۔ پاکستان ئِ گوست اے تماشاھ چاروک آنی سبب ئَ ٹوھیں تاوان بار ادا کتگ۔ اے رچ بند بہ بیت۔
