کوئٹہ۔ 13جولائی (اے پی پی) وزیراعلیٰ بلوچستان نواب ثناءاللہ زہری کوئٹہ ٹی پولیس نا گاڈی آ سم کاری نا واقعہ نا مذمت ئِ کرسا سیکورٹی کارندہ غاتیا سم کاری نا واقعہ غاتیٹی اوار دوبہ دار آتا برخلاف پورو واک اتون کارروائی نا پارت کرینے۔ داڑے جاری مروک آ اسہ بیان اسے ٹی وزیراعلیٰ بلوچستان کوئٹہ نا علاقہ کلی دیبہ ٹی پولیس نا گاڈی آ سم کاری نا مذمت ئِ کرسا واقعہ ٹی ایس پی قائد آباد تون اوار 4کارندہ غاتا شہیدی و اسٹ اسے نا ٹھپی مننگ آ است ہسونی نا درشانی ئِ کرینے۔ وزیراعلیٰ سیکورٹی کارندہ غاتیا سم کاری نا واقعہ غاتیٹی اوار عنصر آتا برخلاف پورو واک اتون کارروائی نا پارت کرینے۔ اوپارے کہ دہشت گرد آتا کنڈآن بدامنی و خوف و خلیس ودی کننگ نا مذموم مسخت آتے بے سہب جوڑ کننگے۔

متعلقہ مضامینمصنف کی طرف سے مزید