اسلام آباد۔12جولائی (اے پی پی) ھالءُ اھیوالکاریءُ شنگکاری مریم اورنگزیب ئَ گشتگ کہ 256تاکانی جے آئی ٹی ئَ اے گپ ئِ سرئَ مُھر جتگ کہ نواز شریف ئِ پنچیں حکومتئِ دوراں ریاستءِ یک کلدارے ئِ کرپشن ، ورگءُ کمیشن زورگ ئِ سبوت نیست، جے آئی ٹی رپورٹ دروگ ئِ بنڈل اِت ایشی ئِ تہا اُمیت، تکانسری ، شک ءُ بوت کنت وڈیں لبزدر کنگ بہ بنت گڈاتنا اے ھیالانی یک گرنچے پشت کپیت، کسے ئَ را دروگ بندءُ لُچ گشگ ئِ اجازت جے آئی ٹی ئَ را کئے داتگ؟جے آئی ٹی ئَ کجام کانودئِ ردئَ کسے ئَ را دروگ بند گشت؟ شریف ھاندان ئِ وکیل آیوکیں ھپتگئَ کیسئِ گوشدارگ ئِ موھئَ جے آئی ٹی ئِ رپورٹ ئَ را چیلنج کن اَنتءُ جتگیں ھر بھتان ئِ پسوئَ دیئاں، گشگ بہ بیت کہ اے 13جُستانی پسو کجااَنت کہ ایشانی ھاترئَ جے آئی ٹی جوڈ کنگ بوتگ ، جے آئی ٹی رپورٹ ئِ لبزوت بددیانتی ءُ مئے تحفظاتئَ را وت راست کنگئَ اَنت، محمد نواز شریف یک نظریہ ئِ نام اِنت، مزن وزیر محمد نواز شریف ئِ ھلاپئَ پندل نہ نوکیں گپ اِت ءُ نہ کونیں، آئیئِ ھلاپئَ بوھوکیں پندلانی رنگ مٹ بوھان بنت، ملکئِ اُلس نواز شریف ئِ ھمراھ اَنت، اللہ تعالیٰ ئِ فضل ءُ کرم ئَءُ اُلسئِ سوبئَ مزن وزیر محمد نواز شریف سئمی رندئَ مزن وزیر گچین بوتگ، مزن وزیر ءُ شریف ھاندان ءَ چہ اے دروگیں جے آئی ٹی رپورٹئَ ر ا چیلنج کنگئِ آئینی ءُ کانودی ھکئَ کس پچ گپت نہ کنت۔ آ چاشمبے ئِ روچئَ پریس انفارمیشن ڈیپارٹمنٹ ئِ تہا ایم این اے دانیال عزیز ئِ ھمراھی ئَ پریس کانفرنس ئَ گوں تران کنگئَ بوتگ۔ ملکی وزیر مریم اورنگزیب ئَ گشتگ کہ جے آئی ٹی رپورٹ آھگئَ پد اے کوکار کنگ بوھگئَ اِنت کہ مزن وزیر دست کشی بہ کنت ءُ اے عکسی کشی کنگ بوھگ اِنت کہ اے اُلسئِ توار ءُ واھشت اِنت، راست ایش اِنت کہ اے ملکئِ اُلس نواز شریف ئِ ھمراھ اِنتءُ محمد نواز شریف ھم اُلسئِ توار اِنت ، اللہ تعالیٰ ئِ فضل ءُ کرمءُ اُلسئِ سوبئَ چہ مزن وزیر محمد نواز شریف سئمی رندئَ مزن وزیر گچین بوتگ۔ آئی ئَ گشتگ کہ پنچ شمبے ئِ روچئَ بنجاھی کابینہ ئِ اجلاس بیت۔ آئیئَ گشتگ کہ یک مردمے کہ گوستگیں 4سال ئَ مزن وزیر ئَ چہ دست کش بوھگئِ لوٹئَ کنگئَ اِنت ، بلے آئیءِ دستئَ اھچ نہ اِت ، آ کدی ملک ئِ مزن وزیر جوڈ بوت نہ کنت۔ آئیئَ گشتگ کہ باقی سیاسی گلاں مدام ملکئِ تہا جمہوریتئَ را زوراک کنگئِ ھاترئَ وتی کرد پیلو کتگ، انوں ھم آوتی راستیں کردئَ پیلو کن اَنت ۔ آئیئَ گشتگ کہ مئے تحفظات جے آئی ٹی ئَ است اَنت، جے آئی ٹی رپورٹ کستءُ کینگئَ را پدر کنت۔ آئی ئَ گشتگ کہ جے آئی ٹی ئِ تہا دستاویزات ئِ تہا جنریٹ کتگیں پروکیور نیست۔ آئیئَ گشتگ کہ اُلس ئِ بھت پندلی گلئَ را ٹھیکہئِ سرئَ دیئگ نہ بیت، اُلس 2018ئَ یک رندے پدا محمد نواز شریف ءَ ر ا ووٹ ئِ طاقتئَ چہ گچین کنت۔ ایم این اے دانیال عزیز ئَ گشتگ کہ جے آئی ٹی ئِ رپورٹ نہ سرجم اِنت، رپورٹ ئَ را سرجم گشگ بوتگءُ آمیدگسئِ گوما دروگ بندگ بوتگ آئیئَ گشتگ کہ جے آئی ٹی رپورٹ ئِ تہا کہ ھرچ ھما ملک آناں دستایزات دست گرگئِ ھاترئَ نمدی نبشتہ کنگ بوتگ ایشانی تہا 20درسد ئِ پسو اَتکگ اَنت۔ آئی ئَ گشتگ کہ دوبئی ئِ ھوالگئَ نمدیئِ ردیں رجانک کنگ بوھگئَ اِنت ءُ گلف سٹیل ئِ مشینری ئِ ھوالگئَ ھم ردیں معلوم داری حاصل کنگ بوھگئَ اِنت ھمے ھاترئَ جے آئی ٹی ئِ رپورٹ ھشکیں ڈبّگ تہا ایچے مان نیست۔ آئیئَ گشتگ کہ ڈنی ملک ئِ آ فرم ئِ کہ ازمت ھاصل کنگ بوتگ اَنت آ یک ھاسیں مردمے ئِ ناکو زتک اِنت۔ آئیئَ گشتگ کہ نوکیں بھرتی بوھوکیں اے آئی آئی اے جے آئی ٹی ئَ چہ گہتریں جُستءُ پُرس کنتءُ رپورٹ نبشتہ کُت کنت۔ آئیئَ گشتگ کہ گوستئَ راجی سلامتی ئِ جیڑھئِ سر پرویڈیولنک، لوگاناں سب جیل گوشگءُ بیان گرگ بوتگ بلے جے آئی ٹی ئَ وتی تحقیقاتئِ تہا نوکیں بنیات ایر کتگ۔ آئیئَ گشتگ کہ مزن وزیر محمد نواز شریف ئِ ایچ آف شور کمپنی نیست ءُ نہ آ کمپنی ئَ چہ آمدن دست گیپت۔
