آزاد جموں ءُ کشمیر ئِ صدر سردار محمد مسعود خان ئِ برسلز ئَ کشمیر کانفرنسئَ گوں گپ ءُ تران

برسلز۔12جولائی(اے پی پی) جموں ءُ کشمیر ئِ صدر سردار محمد مسعود خانئَ گشتگ کہ کشمیر ئَ را بھر کنوکیں لائن آف کنٹرول جنوبی ایشیا ئِ تہا یک نوکیں ڈھیوال اِت کہ آئی ئَ کشمیری راج ئَ را 70سالئَ چہ بھر کتگ، جنگ بندی لائن ئِ سوبئَ ماتاں چہ چُک، گہارآں چہ براتءُ ہزاراں مردم وی ھانداناں چہ دورءُ جتاھ اَنت، روایتی کشک ، گندءُ نند، بیپاری زورگءُ دیئگ وشی ءُ گمی ئِ تہا ھوار بوھگئِ موھ بند اَنت، ھمے وھدئَ کنٹرول لائنئَ برلن ڈیھوال ئِ وڈئَ ریاست جموں ءُ کشمیر ئِ دوھیں بھرآناں جتاھ کتگ،یک مزنیں بھرے مقبوضہ کشمیرئِ تہا اقتصادی، سیاسی ءُ معاشی آزاتی بند اَنت ایشانی ھاترئَ آواز چست کنگئَ مئے براتءُ گہارآنی سرئَ تیرگواری کنگ بیت، کرفیو ءُ دربندی ہڑتالئَ چہ مردمانی کاروبار تباھ بوتگ اَنت، مردماں چہ وانگءُ زانگئِ دراھیں موھ پچ گرگ بوھگئَ اَنت، گوستگیں 30سال ئَ چہ مئے دو نسل وانگءُ زانگئِ لحاظئَ چہ پشتئَ اِنت، شرح خواندگی گشادیئِ گوما کپگئَ اِنت ، ہزاراں لوگ وت وجہی ئِ لوٹ کنگئَ شہید کنگ بوتگ اَنت۔ اے ھیالانی درشانی آئی ئَ یورپی مزن گس ئِ تہا کنزرویٹو ءُ ریفارمٹس گروپ ئِ چیردستی ئَ کشمیر ئِ کانفرنس کہ ایشی ئِ سرھال بوتگ”جنوبی ایشیائَ نوکیں برلن ڈیھوال “ ئَ گوں تران کنان ئَ کتگ۔