اسلام آباد۔ 12جولائی (اے پی پی) پوسکن آ پاک سیکرٹریٹ (کوہسار بلاک) ئِ آپریشنل کننگ نا بابت پیش رفت نا جاچ ئِ ہلنگ کن دیوان بنجائی وزیر خزانہ سینیٹر اسحاق ڈار نا کماشی ٹی مس۔ سیکرٹری ہاﺅسنگ اینڈ ورکس و ڈائریکٹر جنرل پی ڈبلیو ڈی بنجائی وزیر ئِ بریفنگ تس۔ اوپارے کہ کوہسار بلاک ئِ آپریشنل کننگ نا بابت ایلو کاریم ہندا تُو انا ایسر اسکان پورو مریک۔ ہر محکمہ و وزارت نا گرج آتے مون آ تخسا دفتر آتا جاگہ ئِ الاٹ کننگک۔ داٹی چندی سرکاری وزارت و محکمہ اسہ ہی چھت انا کیرغ نا بننگ آن خلقت ئِ آسودہی مریک۔ اوپارے کہ جاگہ نا الاٹمنٹ اٹی ہمووزارت و محکمہ غاتے اولیت تننگک ہرا کرایہ نا ماڑی تیٹی ئُ۔ بنجائی وزیر خزانہ تعلقدار کمامدارآتے پارت کرینے کہ پوسکن آ پاک سیکرٹریٹ نا پوروی کن غٹ المی کمک فراوان کننگے۔
