صدر مملکت ممنون حسین نا ورلڈ فیڈریشن آف نیورولوجی نا چیئرمین ڈاکٹر واسع شاکر تون اوڑدہی ٹی ہیت وگپ

اسلام آباد۔ 12جولائی (اے پی پی) صدر مملکت ممنون حسین پارینے کہ الس ئِ حفظان جان جوڑی نا اصول آتیان روشناس کرسا خلقت ئِ خراب انگا ناجوڑی تیان بچفنگ مریک، دا چرجوئی ٹی تعلقدار سرکاری ادارہ و طبی انجمن آک اہم کڑد ادا کننگ کیرہ۔ اوداہیت ئِ ورلڈ فیڈریشن آف نیورولوجی نا چیئرمین ڈاکٹر واسع شاکر تون ہیت وگپ کرسا پارے ہراچارشنبے نا دے ایوان صدر اٹی اوڑتون اوڑدہی کرے۔ صدر مملکت پارے کہ الس ئِ حفظان جان جوڑی نا اصول آتیان معلومدار کننگ کن راج انا غٹ زموار آتے تینا کڑد ئِ بایدے ادا کروئی مرے، داچرجوئی ٹی ڈاکٹر آتا کسبی تنظیم آتا کمکاری اٹ آگاہی نا مہم آتے چلیفنگے۔ او اَدرنگ نا مریض آتا کچ اٹی ترندی اٹ مروک آ ودکی آ گڑتی نا درشانی ئِ کرسا پارے کہ دا حالیت آتا مون ئِ توننگ کن المی ئِ کہ سرکاری و نجی بشخ انا کوشست آتے مربوط کننگے تانکہ کم وسیلہ ٹی زیات آن زیات فائدہ دوئی کننگ مرے۔ او22جولائی ” ادرنگ آن بچنگ نا جہانی دے“ئِ اڈتننگ آ است جمی نا درشانی ئِ کرسا پارے کہ داڑآن اَدرنگ کون آ مرض آتا برخلاف السی شعور اٹی ودکی مریک۔