جیل آنی نظام آنی تہ ئَ سوج ئُُ سر ھُرد اَنت، اخلاقی ھیل کاری ئِ وسیلگ ئَ جیل آنی تہ ئَ بندش جتگیں بندیگ آناں چاگرد ئِ جوانیں مردم جوڑ کنگ بیت کنت، صدر ئِ مملکت ممنون حسین ئِ مراگش ئَ گوں گشتانک
اسلام آباد۔ 12 جولائی (اے پی پی) صدر مملکت ممنون حسین ئَ گوشت کہ بندیگ آنی گہتری ئِ واستہ ھیل کاری ئِ سبب ئَ نا ایوک ئَ ڈنگی ئَ را گر ئُُ دار کنگ بیت بلکینگ ئَ جیل آنی تہئَ بندیں بندیگ آناں چاگرد ئِ جوانیں بھر جوڑ کنگ بیت کنت۔ اے رد ئَ جیل آنی نظام آنی تہ ئَ سوج ئُُ سر ھُرد اَنت۔ اے گپ آئی ئَ چار شمبے ئِ روچ ئَ محتسب سیکرٹریٹ ئِ چیر دستیں جیل آنی سوج ئُُ سر ئِ واستہ رد ئُُ بند داتگیں رپوٹ پیش کنگ ئِ موہ ئَ کت اَنت۔ اے موہ ئِ سرئَ بُنجاھی محتسب محمد سلمان فاروقی ئَ ابید نامداریں شہری مردم ، کلانئیں زانت ئُُ زانش کار ئُُ جان سلامتی زانتئُُ ایندگہ مردم آنی مزنیں کساس ئِ ساڑی اَت وھدیکہ است مندیں مردم آں جیل آنی تہ ئَ سر ئُُ سوج ئُُ بندیگ آنی آسراتی پُجارینگ ئِ ھاترا پنڈگ دیگ ئِ ھم جار جت۔ صدر ئِ مملکت ئَ اے موہ ئِ سرئَ اسلامی نیک راھی ئِ ردئَ نوکیں دُگنیا ئِ بندیگیں مردم آنی مول ئُُ سر ئُُ سوج ئُُ بندیگ جاھ آناں سر ئُُُ سوھ ئِ بُجاھ ئِ رنگئَ پجار کت اَنت۔ آئی ئَ گوشت کہ بندیگ ئَ را سزا دیگ ئِ بزانت ھمیش اِنت کہ آں مجرم پد گوش بہ گپت ئُُ آئی ھیل کاری ، سر سوج بندیگ جاھ ئَ جوان بہ بیت تاں پدا آئی زندمان ئِ مول ئُُ مراد مٹ بہ بنت۔
