اسلام آباد۔11جولائی (اے پی پی) ملک ئِ صدر ممنون حسین ئَ پرنس کریم آغا خان ئَ را آئی ئِ اسماعیلی براتی ئِ امامت کنگئِ گولڈن جوبلی سرجم بوھگئِ سرئَ مراد بات داتگ۔ سئے شمبے ئِ روچئَ ایوان صدرئَ چہ جاری پریس ریلیز ئِ ردئَ صدر ئَ گشتگ کہ پائیداریں دیمروئی ئِ ھاترئَ پاکستان آئیئَ را وتی یک مزنیں دوستءُ منوکیں لیک ایت۔ ملک ئِ صدر ئَ پاکستان ئِ تہا چاگردی ، دودءُ ربیدگی ءُ اقتصادی دیمروئی منصوبہ آنی ھوالگئَ پرنس کریم آغا خان ئِ کردئَ را ساڑاتگ ءُ گشتگ کہ آئیئِ رہنمائی ءُ دوراندیشی سروکی ئَ آغا خان ڈویلپمنٹ نیٹ ورک ئِ چیردستی ئَ پاکستان ئَ وانگءُ زانگ، جانءُ سلامتی ، کوچگی دیم روئی ءُ نیزگاری ئِ ھلاسی ئِ بازیں منصوبہ آنی وسیلگئَ جوانیں دیم روئی ئِ کار بوتگ اَنت۔ ملکئِ صدر ئَ اے جزم ئِ درشانی کتگ کہ اے نیکیں مول ءُ مرادانی تہا پاکستان ئِ کمک جاری بیت۔ ملکئِ صدر ممنون حسین ئَ گشتگ کہ امامت ئِ گولڈن جوبلی مراگشئِ وھدئَ آ پرنس کریم آغا خانئِ پاکستان ئِ ترءُ تاب کنگئِ وداریگ اِنت۔
