اسلا م آباد۔11جولائی(اے پی پی) سرجمیں ئِ دگہ ملک آنی وڑئَ پاکستان ئَ ھم آبا ت کاری ئِ میاں اوستمانی روچ سئے شمبے ئَ گوازینگ بوتگ۔ اے موھئَ جان ءُ سلامتی ئِ میاں اوستمانی ادارگ ئَ ھوار آباتیئِ سرئَ گرءُ دار کنگئِ ھوالگئَ کارکنوکیں این جی اوز ئِ چیردستی ئَ ھاس روانک، دیوان ، کانفرنس ءُ دگہ مراگشانی بندوبست کنگ بوتگ کہ ایشی ئِ مولءُ مراد گیش بوتگیں آباتی ئِ پاھدگءُ نقصان ، دو چُک وشھالیں لوگ، آسراتی آنی ردئَ چکانی پیدائش، ھاندان کسان وشی ہزار، زھگ دو شر وڑیں سرھال آنی نیمگئَ اُلسئِ دلگوشی کنگئِ گوما گشادیئِ گوما گیش بوتگیں آباتی ئِ معاشی ءُ چاگردی جاورھال ئِ سرئَ اثر، ماتءُ چُک ئِ جانءُ سلامتی ئَ ھوار دگہ ھاسیں امورئِ ھوالگئَ سرپدی پیداک کنگ بوتگ۔ ورلڈ پاپولیشن ڈے ئِ موھئَ الیکٹرانک ھال درئِ گوما ھاسیں مراگش شنگ کنگ بوتگ کہ ایشانی تہا اُلس ئَ را کم آباتیئِ پاھدگ آنی ھوالگئَ ھم سرپدی دیئگ بوتگ۔
