وت مہ وتی واھگ ، ھیل کاری، دمگی سلامتی ئِ جیڈھ آنی تہ ئَ کمک ئَ ھوار ایندگہ جاور ئُُ جیڈھ آنی سر ئَ ھیال ریچی
راولپنڈی۔ 11 جولائی (اے پی پی)ھُشکی اُرد ئِ سروک جنرل قمر جاوید باجوہ ئَ گوں ملائیشین آرمی چیف سری ڈوالکفل بن حاججی قاسم ئَ گند ئُُ نند کت ایشی ئِ تہ ئَ وت مہ وتی واھگ ئُُ ھیل کاری ئُُ دمگی سلامتی ئِ جیڈھ آنی تہ ئَ کمک ئَ ھوار ایندگہ جاور ئُُ جیڈھ آنی سر ئَ ھیال ریچی کنگ بوتت، پاک اُرد ئ، شوبگ (آئی ایس پی آر) ئِ رد ئَ اے گند ئُُ نند ئِ تہ ئَ ملائیشین دیمپانی ٹولہ ئَ پاک اُرد ئِ آپرریشنل تیاری، ھیل کاری ئَ ھوار بازیں کار آنی سر ئَ سرجمی ئَ بریفنگ دیگ بوت۔ ملائیشین آرمی چیف ئَ ناشرکاری ئِ ھلاپ ئَ پاکستان ئِ کوشست آنی ساڑا کت۔ ایشی ئَ ھوار ملائیشنین آرمی چیف ئَ جی ایچ کیو ئَ شیہد آنی یاتگیری ئَ ھازری دات۔ پاک اُرد ئِ ورنا آں ملائیشین آرمی چیف ئِ آیگ ئِ پد ئَ ورنا آں پریٹ ئُُ سلامی پیش کت۔

متعلقہ مضامینمصنف کی طرف سے مزید