اسلام آباد ۔ 11 جولائی (اے پی پی)پاکستان مسلم لیگ(ن) ئِ سروک حنیف عباسی ئَ گوشت کہ عمران خان نوگ ئَ تاں بنی گالا ئَ منی ٹریل سہراکت نہ کتگ ئُُ پارٹی فنڈنگ کیس ئَ ھم الیکشن کمیشن ئَ سرجمیں ھال پُجارینگ ئَ ناکام بوتگ آں، زوت عمران خان نااہل ئُُ تحریک ئِ انصاف ئِ سرئَ بندش لگگی اِنت۔ اسلام آباد ئَ پریس کانفرنس کنان ئَ آئی ئَ گوشت کہ راج زانگ لوٹیت کہ عمران خان ئِ کرّا بالیگ آنی تہئَ بال کنگ، چار ئُُ نیم کینال ئِ لوگ ئِ توک ئَ نندگ ئُُ یورپ انگلینڈ ئِ تر ئُُ تاب ئِ ھاترا زرّ چہ کُجا چہ کئیت، تو یک لکھ پنجاھ ہزار ئِ انکم ٹیکس داتگ آ چہ ایشاں نزیک ئُُ ھمگونگ نہ اِنت، انشاءاللہ تو ڈس کوالیفائی بوھگی ات ئُُ تئی پارٹی ئِ سر ئَ بندش لگگی اِنت، تئی راستیں دیم دراھ بوھگ ئَ اِنت۔ آئی ئَ گوشت کہ زرّ عمران خان ئِ ھمزوری اِنت، تو لُچی ٹگی ، شتلئی، دُزّئی ئِ ھیب ترا گون اَنت۔ آئی ئَ گوشت کہ جے آئی ٹی ئِ ھوالگ ئَ گپ ئُُ تران کنان ئَ جے آئی ٹی ئَ گوں واھگ گندگ بوھگ ئَ اَنت۔ ایشی ئِ بابت ئَ ھرچی کہ ترس بوتگ آں، آ راست گندگ ئَ پیداک اَنت۔ جے آئی ٹی ئِ مردم آنی سیادی گوں گیشتر اپوزیشن ئِ پارٹی ئَ گوں سنگتی اَست اِنت۔ جے آئی ٹی ئِ گپ انچیں ھیالی اَنت، آئیئَ عمران خان ئَ را گوانک کنان ئَ گوشت کہ ترا گوں راج ئَ چے دستبندی اِنت، ایوک ئَ ھما مردم آں گوں کہ آ ساہیوال، حویلی بہادر شاہ ئُُ پسنی ئَ رونت ئُُ مردم آنی گم ئُُ درد آں گوشداراں، تو پاکستان ئِ دیمروئی ئِ دژمن اَنت۔
