اسلا ام آباد۔ 11جولائی (اے پی پی) فاٹا ئِ بے لوگ بوتگیں مردماناں ملام حکومت وتی آسراتی ئَ چہ پھجارینگ ئَ اِنت، فاٹا ئِ تہا ضرب عضب ئِ وھدئَ آماچ بوتگیں 21ہزار 12لوگانی ملام فاٹا سیکرٹریٹ ئَ جاری کتگ اَنت ۔ فاٹا سیکرٹریٹ ئِ نوک بندگءُ بحالی ئِ پروگرام ئِ منیجر شکیل انجم ئَ اے پی پیئَ را ھال داتگ کہ آپریشن ضرب عضب ئِ آماچ بوتگیں فاٹا ئِ عارضی بے لوگ بوتگیں مردمانی 21ہزار لوگانی ملام فاٹا سیکرٹریٹ ئَ پولیٹیکل ایجنٹ ئَ ر ا جاری کتگ اَنت۔ آئی ئَ گشتگ کہ گوازوکیں ماھئَ 31ہزار لوگانی زر آھانی واھنداں دیئگ بوتگ اَنت بلے بے لوگ بوتگیں مردمانی لوگانی ملام حکومت پاکستان وتی وسائل ئَ چہ دیئگئَ اِنت ءُ اے معاوضہ دگہ کمکئِ مد ئَ دیئگ نہ بوھگئَ اَنت ۔ شکیل انجم ئَ گشتگ کہ فاٹا ئَ لوگانی سروے ئِ عمل جاری اِنت ، سروے ئِ تہا سیکیورٹی فورس آنی اہلکار ئَ ھوار محکمہ مال پولیٹیکل انتظامیہ ئِ حکام سروے ئِ تہا بھرزورگ ئَ اَنت۔ آپریشن ئِ تہا سرجم ئَ تباھ بوتگیں لوگانی ملام 4لکھ وھدے کہ کم آماچ بوتگیں لوگانی ملام یک لکھ 60ہزار دیئگ بوھگئَ اِنت۔
