کوئٹہ چاغی این اے 260ضمنی گچین کاری ئِ تیاری سرجم، 17اُمیت وار گچین کاری ئِ تہا بھر زور اَنت، حلقہ ئِ تہا ووٹر آنی کساس 4لکھ 60ہزار 202اِ نت، صوبائی گچین کاری ئِ جارچین غوث بخش ئِ ’‘ اے پی پی“ ئَ گوں گپءُ تران

کوئٹہ۔11جولائی (اے پی پی) صوبائی الیکشن کمیشن ئَ این اے 260کوئٹہ چاغی ئِ 15جولائی ءَ بوتگیں ضمنی گچین کاری ئِ موھئَ چاگردئَ را امنءُ ایمنیں ءُ ساپءُ سلہ الیکشن ئِ ھڈ کنگئِ ھاترئَ دراھیں تیاری سرجم کتگ اَنت، پشتو نخوا ملی عوامی پارٹی ئِ راجی اسمبلی ئِ باسک عبدالرحیم مندوخیل ئِ بیرانی ئِ چہ ھالی بوتگیں این اے 260ئِ سیٹ ئِ سرئَ ضمنی گچین کاری ئِ تہا کل 17اُمیت وار بھر زوراگاں اَنت وھدے کہ حلقہ ئِ تہا ووٹر آنی کساس 4لکھ 60ہزار 202اِنت، اے گپ صوبائی الیکشن کمیشن ئِ جارچین غوث بخش ئَ سئے ئِ روچئَ ” اے پی پی“ ئِ گوما گپءُ تران کنانئَ کتگ، الیکشن کمیشن ئِ جارچین ئَ گشتگ کہ این اے 260ئِ تہا پولنگ اسٹیشن ئِ کل کساس 407پولنگ بوتھ آنی کساس993اِنت ، غوث بخش ئَ گشتگ کہ این اے 260ئِ تہا سئے ضلع کوئٹہ ، چاغیءُ نوشکی ھوار اَنت، ضمنی گچین کاری ئِ موھئَ امنءُ ایمنی جوڈ کنگئِ ھاترئَ فرنٹیئر کور، پولیس ءُ لیویز ئِ ورناھ آنی ازمت ھاسل کنگ بوتگ وھدے کہ سئےں ضلع آنی ڈپٹی کمشنر ءُ دگہ محکمہ آنی افسر آناں ضلوری ہدایت نامہ دیم دیئگ بوتگ۔