اسلام آباد۔10جولائی (اے پی پی) مسلم لیگ(ن) ئِ رہنما دانیال عزیز ئَ گشتگ کہ چیف الیکشن کمشنر ئَ پاکستان تحریک انصاف ئِ وکیل ئَ را گشتگ کہ مرچی شمئے گڈی موھ بوتگ شما وتی پارٹی ئِ فارن فنڈنگ ئِ کیسئَ جم بہ کنت ءُ منی ٹریل بہ دنت کہ ایشی ئِ سرئَ وکیل ئَ گشتگ کہ آ اے گپئِ پسو دیئگ ئِ مجاز نہ اِنت۔ الیکشن کمیشن ئِ ڈنئَ ھال درئِ گوما گپءُ تران کنانئَ دانیال عزیز ئَ گشتگ کہ عمران خان بہانہ ءُ پُشتءُ گوش کنگئَ اِنتءُ شاہ آمید گسءُ الیکشن کمیشن ئَ را پسو دیئگئَ پُشتءُ گوش کنگئَ اِنت ءُ مہلت لوٹگ ئَ اِنت۔ آئی ئَ گشتگ کہ مہ گندگئَ اَنت کہ پی ٹی آئی گلگت ءُ کراچی ئِ ضمنی گچین کاری ئِ تہاجہل ئَ چہ فرسٹ ئَ اَتکگ۔ آئی ئَ گشتگ کہ عمران خان ئِ کرد سرجمیں راجئِ دیمئَ اِنت اے نوکیں پاکستان ئِ وشبو نہ اِنت بلکیں کونیں پاکستان ئِ گڈی دیم اِنت۔ آئیئَ گشتگ کہ عمران خان اشہاری اِنت، مزن وزیر محمد نواز شریف ئِ نام پانامہ تاکئِ تہا مان نہ اِنت پدا ھم آئیئَ را آمیدگسئَ توار کنگ بوتگ۔
