اسلام آباد۔10جولائی (اے پی پی) چیئرمین سینیٹ میاں رضا ربانی ئَ چمن وت کُش تراک ئَ را سک باز ایر جتگ ءُ گشتگ کہ ناشرکای ھچ وڈیں رعایت ئِ ھک ئَ نہ دار اَنت، آ انسانیت ئِ نام ئَ بدرنگیں ٹپ اَنت۔ میاں رضا ربانی ئَ گشتگ کہ انسانیت دژمن آنی لگوریں کارواءراجئِ جزمئَ را نیزور کُت نہ کن اَنت۔ میاں رضا ربانی ئَ شہید بوتگیں ایس پی پولیسءُ ورناھ آنی ھاترئَ مغفرتئَ بہ کنت ءُ گمیگیں ھاندان آں سگءُ اوپار ئِ دعا کتگ۔ ڈپٹی چیئرمین سینیٹ مولانا عبدالغفور حیدری ، سینیٹ ئِ تہا قائد ایوان راجہ محمد ظفر الحق، قائد حزب اختلاف چوہدری اعتزاز احسن ئَ ھم چمن وت کُش تراک ئَ را سک باز ایر جتگ ۔ وتی جتا ھ جتاھیں اپسوزی کلوھانی تہا ایشی ئَ را یک لگوریں عملے لیک اِتگ۔ آئی ئَ اے وئیلئِ تہا شہید بوتگیں مردمانی ھاترئَ اللہ تعالیٰ ئَ چہ دعا کتگ کہ اللہ تعالیٰ بیران بوتگیں مردماناں وتی جوار رحمتئِ تہا جاگہ بہ دنت ءُ گمیگیں ھانداناں سگءُ اوپار بہ دنت۔
