دنیا گشادی ئِ گوما مٹی ئِ نیمگئَ رﺅگئَ اِنت کہ مہ ایشی ئَ را وتئَ چہ ھم آہنگ کنگئِ ھاترئَ پاکستانی نودربر سک محنت بہ کن اَنت تنکہ میاں اوستمانی راجانی تہا راستیں جاھے گپت بہ کن اَنت
اسلام آباد۔10جولائی (اے پی پی) ملکئِ صدر ممنون حسین ئَ گشتگ کہ دنیا گشادی ئِ گوما مٹءُ بدل بوھگئَ اِنت مہ وتئَ را آھانی گوما ھم آہنگ کنگئِ ھاترءَ پاکستان ئِ نودربر سک محنت بہ کن اَنت تنکہ ماتیں وطن دیمروئی بہ کنتءُ میاںاوستمانی راجی تہاھواربہ بیت۔ ملکئِ صدر ئَ اے گپءُ تران پبلک اسکول کراچی ئِ نوردبرآنی یک ڈلے ئِ گوما گپءُترا ن کنانئَ کتگ۔ اے موھ ئِ سرئَ ملکئِ صدر ممنون حسین ئَ را حبیب پبلک وانگ جاھ ئِ یات گاری شیلڈ ھم کنگ بوتگ۔ ملک ئِ صدر ئَ گشتگ کہ پٹءُ پول ئِ سرئَ دلگوشی نہ کنگئَ دنیائِ ھچ راج دیمروئی کُت نہ کنت ، ھمے ھاترئَ ورناھ زندئِ بازیں پڑآنی تہا پٹءُ پول بہ کن اَنت۔ آئی ئَ گشتگ کہ انفارمیشن ءُ ڈیجیٹل ٹیکنالوجیز مستقبل ئِ ٹیکنالوجی اِنت کہ ایشانی تہا پاکستان ئِ نوکیں نسل ئِ ھاسیں زانت کاری حاصل کنگ لوٹ ایت تنکہ آ نوکیں دورئِ لوٹانی ردئَ ھم دپ بہ بنتءُ ماتیں وطنئِ ازمتئَ بہ کن اَنت۔ ملک ئِ صدر ئَ گشتگ کہ حبیب پبلک وانگ جاھ ءُ کراچی ئِ وانگ ءُ زانگی ادارگ آنی تہا گوستئَ مزنیں نام پیداک کتگءُ لیبءُ گوازی ئَ ھوار زندئِ بازیں تک ءُ پھنتاناں مزنیں مزنیں نام پیداک کتگ بلے لھتیں وھدانی تہا کراچی ئَ وتی پیسرگیں ارزشت داشت نہ کتگ ھمے ھاترئَ ضلوری اِنت کہ کراچی ئِ وانگءُ زانگی ادارگ ھم نصابی سُرءُ پُرآناں گیش بہ کن اَنت تنکہ زندئِ بازیں تکءُ پھناتاں ملک ءُ راج ئِ ازمت کنوکیں ورناھ پدا دیمئَ بیا اَنت۔ آئی ئَ گشتگ کہ وانگءُ زانگی ادارگ آنی تہا دگہ ھم نصابی سُرءُ پُرآں ابید لیب ءُ گوازیانی ھاسیں مقابلہ کنائنگ بہ بنت۔ صدر ئَ حبیب پبلک وانگ جاھ ئِ بانی محمد علی حبیب ئِ ازمت ئَ را ساڑاتگ ءُ گشتگ کہ قائد اعظم ئِ اے اوست مندیں ھمراھ ئَ نہ تنا تعلیم ئِ پڑئَ وتی ازمت داتگ اَنت بلکیں ملکئِ صنعت بینکاری ئِ بنیات ھم ایر کتگ کہ آئیئَ را مراد جوانیں لبزاں گوں یات کنگ بیت۔
