مزن وزیر محمد نواز شریف ئِ چمن ئَ پولیس کاپلہ ئِ سر ئَ ناشرکاری اُرش ئَ را ترندی ئَ مذمت

سیادی داروکیں کارندہ آناں اُرش ئِ تہ ئَ ٹپیگ بوتگیں مردم آناں ھمک رنگ ئِ جوانیں آسراتی پُجارینگ ئِ پنت ئُُ شون
اسلام آباد ۔ 10 جولائی (اے پی پی) مزن وزیر محمد نواز شریف ئَ دو شمبے ئِ روچ ئَ چمن ئَ پولیس ئِ کاپلہ ئِ سرئَ ناشرکاری اُرش ئَ را ترندی ئَ ایراد گپتگ ئُُ مذمت کتگ۔ ایشی ئِ تہ ئَ ڈی پی او چمن شہید بوتگ۔ مزن وزیر ئَ اُرش ئَ گران بہائیں نپس آنی تاوان ئِ سر ئَ سک باز دلپدردی ئِ درشان کتگ ئُُ دُعا ئِ نیک کتگ کہ اللہ پاک ھُدا مرزی آں وتی رحمت آنی تہئَ جاھ بدیات ئُُ پرسیگیں ھاندان اے ٹوھیں وئیل ئَ را سگ ئُُ اوپار کشگ ئِ زکت ئَ بدیات۔ مزن وزیر ئَ سیادی داروکیں کارندہ آناں اُرش ئِ تہ ئَ ٹپیگ بوتگیں مردم آناں ھمک رنگ ئِ جوانیں آسراتی پُجارینگ ئِ پنت ئُُ شون دات ئُُ آوانی زوت جان دُراھی ئِ واستہ دُعا ئِ نیک کت۔