اسلام آباد۔ 09 جولائی (اے پی پی) وزیراعظم نا ترجمان پولیو تدارک نا پروگرام، سینیٹر عائشہ رضا فاروق پارینے کہ پولیو نا برخلاف جاری جنگ اٹی گڈیکو ہدف نا دوئی یعنی پولیو کیس آتا کچ ئِ آخبتی زیرو نا ہندسہ غا قائم تخنگ اسکان نن آرام اٹ تولپنہ۔ فیلڈ ایپی ڈیمیو لوجی لیبارٹری ٹریننگ پروگرام (ایف ایل ٹی پی) نا دہ می سالانہ جاچ و تربیتی 4 دے ئی دیوان نا ایسری دودآن تران کرسا سینیٹر عائشہ رضافاروق پاکستان اٹی داپروگرام ئِ 6 سال انا وخت اٹی بے کچ لگن و سرسہبی آن پورو کننگ آ پروگرام تون وابستہ کمامدارآتامبارکباد پیش کرے۔ اونا پاننگ ئس کہ این ۔ اسٹاپ تون وابستہ افسر آک ضلعی کہول آ دا پروگرام ئِ تکنیکی بنداو تیا کمک تننگ ئُ ہرا درکار ہدف آتا دوئی ٹی کلیدی کڑد ادا کننگ کیرہ۔ اوپارے کہ این۔اسٹاپ تون وابستہ انسانی خذمت نا جوزہ آن سرشار باسک آک تاریخ اس ہلسا بے کچ لگن، خواری و تکنیکی بنداو تیا فراوان کروک راہشون اصول آتا کمک اٹ پولیو نا خراب انگا وائرس نا کرہ ارض آن آخبتی چٹفنگ ئِ المی جوڑ کننگ اٹی کوشست کننگ ئُ۔
