لاہور۔ 09 جولائی (اے پی پی) بنجائی وزیر دفاعی پیداوار، سائنس و ٹیکنالوجی رانا تنویر حسین پارینے کہ ملک اٹی توانائی نا چنکا بھلا ڈٹ آتیا کاریم ترندی اتون برجائِ، مارچ 2018ءٹی لوڈشیڈنگ چٹک، گڑاس عنصر ئِ ملک اٹی جاری ترند رفتار شونداری و شونہالی ہضم مفننگ ئِ ، وزیراعظم نواز شریف بروک آ دے میگاپروجیکٹ نا بنائِ کننگ ئِ، حکومت نا مثبت اقتصادی پالیسی تا سوب اینو پاکستان ترندی اتون شون ہلوک آ ملک آتا صف اٹی سلوک ئِ۔ بروک آ منہ سال اٹی پاکستان نا شمار دنیا نا دہ بھلا معیشت آتیٹی مریک، دھرنہ گروپ نا ہٹ دھرمی ملک و قوم ئِ بے پناہ نسخان تس، افراتفری و انتشار ناسیاست نئے مست سرسہب مس و نئے پین وخت اس سرسہب مریک، جے آئی ٹی نا رپورٹ قطری شہزادہ نا بیان آن بیدس بے پورو مریک و اودے امنا کننگ مفک۔ جے آئی ٹی اولیکو دے آن ہی متنازعہ مس، پیشن نا ملک گواہی ہلنگ نا چندی مثال آک ساڑی ئُ، نن خوانہ کہ غٹ آڈیو، وڈیو ریکارڈنگز الس نا مون آ پیش کننگے، وزیر اعظم نواز شریف کانود و آئین نا سربلندی کن جے آئی ٹی نا مون آ پیش مس۔ داخیال آتا درشانی ئِ او چندی ڈٹ آتا بناءنا وخت آ السی مچی آن تران و میڈیا تون ہیت وگپ کرسا کرے۔
