لاہور۔ 09 جولائی (اے پی پی) بنجائی وزیر ریلوے خواجہ سعد رفیق پارینے کہ سازشی عنصر آک بِنر ملک اٹی انتشار بریک نئے افراتفری نئے جمہوریت کاہک نئے نواز شریف، ہراہم مسلم لیگ (ن) نا خف تیٹی ہلسا سیاست آن کشنگ نا کوشست کیک تو او ملک ئِ دراصل سیاست آن بے دخل کیک۔ جمہوری حکومت آتے رسوا کرسا کشنگ نا پاکستان اٹی رواج ئِ، داسہ ہم تاریخ نا پہیہ ئِ الٹا چریفنگ نا کوشست کننگ انگئِ ، جے آئی ٹی نا اڈتننگ نا مسخت آک پین ئسر ولے او پین اسے کنڈاسے آ ہِننگ ئِ ، جے آئی ٹی اگہ غلط کاریم اس کے تو اوڑآ تنقید مننگ کیک و اگہ ننے اعتراض اس مریک تو اودے ہم مون آ اتنگک ہراکہ ننا بنداوی حق ئِ، گڑاس خلقت خواہرہ کہ پاکستان اٹی سینیٹ گچین کاری تیان مست جل تھل مرے۔ عمران خان تینٹ سوا مسہ سد کینال نا اُراسے ٹی رہینگک، اونئے منی ٹریل انا پائک ، الیکشن کمیشن اٹی ورندی ئِ جمع کرفپک، اودے کرینگ ایتک۔ او یک شنبے نا دے نشاط کالونی ٹی عئید ملن پارٹی آن تران کریکہ، داوخت آ صوبائی وزیر زعیم قادری، باسک صوبائی و پارٹی کارندہ غاک ہم بھلو کچ اسے ٹی ساڑی ئسر۔ بنجائی وزیر پارے کہ الس تون وعدہ کریسن کہ اوفتے چمکتا دمکتا پاکستان اس ایتنہ ولے حکومت ئِ اولیکو دے سہی وڑاٹ کاریم کننگ کن ہلنگ تنے ہراخلقت ملک اٹی جمہوری حکومت ئِ خواپسہ دُن ئُ سوچ، مائنڈ سیٹ داڑے جابجاخننگک ولے پاکستان آئس لینڈ اف، دنیا ئِ پاکستان نا اہمیت نا اندازہ ئِ کہ اگہ پاکستان تینا گام تیا روان مرے، نیزگاری و جہالت ئِ مر کننگگ اٹی سرسہب مرے، معیشت سوگو مرے تو پاکستان بیرہ تینا ملک اٹی ہی آخا سنگت آتا ہم کمک کننگ نا قابل مریک، گڑاس جہانی واک پاکستان ئِ دست نگر جوڑ کننگ خوائک۔
