پاکستان نا شونداری کن ورنانسل خاص کر زالبول مادرملت فاطمہ جناح نامچ آ زند انا جہد کون آ جوزہ غاتے بایدے تینا کروئی مرے
اسلام آباد۔ 09 جولائی (اے پی پی) وزیراعظم محمد نواز شریف پارینے کہ پاکستان نا شونداری کن ورنانسل خاص کر زالبول مادرملت فاطمہ جناح نا مچ آ زند انا جہد کون آ جوزہ غاتے بایدے تینا کروئی مرے ہراکہ ہمدردی، پکا عزم و بے لوث خذمت نا سبخ ایتک۔ و دا ننا ورنانسل خاص کر زالبول کن مشعل راہ ہم ارے وزیراعظم محمد نواز شریف پارے کہ پاکستان اٹی زالبول ئِ ہروڑنا اسہ وڑ وارخواہی دوئی ئِ و غٹ بشخ آتیٹی خذمت نا اناجم دہی کن اوفتے سازگار چاگڑد فراوان کننگانے ۔ یک شنبے نا دے وزیراعظم آفس نا میڈیا ونگ آن جاری پریس ریلیز نا رداٹ وزیراعظم پارے کہ اینو وخت اس کہ مادرملت نا 50 می برسی ئِ اڈ تننگ انگ ئِ داوڑاٹی ورناک خاص کر زالبول نا زند برصغیر ہند اٹی مسلمان زالبول آتون اواری اٹ کننگا فاطمہ جناح نا جہد نا بایدے عکاس مرے۔ اوپارے کہ ببو نن غٹ نیاڑی ونرینہ غاک ہندن ئُ پاکستان اس جوڑ کننگ نا عزم انا اعادہ ئِ کین ہرانا تغ ئِ بانی پاکستان خناسس۔ مادرملت فاطمہ جناح نا برسی نا وخت آ اوپارے کہ پورو جہد آجوئی ٹی ہراوڑگودی فاطمہ جناح تینا ایلم قائد اعظم محمد علی جناح ؒ نا شانہ بشانہ مس واو ننکن آخبت مزاجی و ثابت گامی نا اسہ عظیم ئُ مثال اسے۔
