اسلام آباد۔ 09 جولائی (اے پی پی) بنجائی وزیر ریلوے خواجہ سعد رفیق پارینے کہ چین پاکستان اقتصادی راہداری ڈٹ انا رداٹ کراچی آن پشاور ریلوے لین ئِ گچین جوڑ کننگک۔ یک شنبے نا دے تینا اسہ بیان اسے ٹی اوپارے کہ دا چرجوئی ٹی المی شرط آتے گڈیکو دروشم تننگ کن چائنا نیشنل ریلوے نا بڑزکو کہول انا اسہ ڈل اس سے شنبے آ پاکستان آ سرمریک۔ بنجائی وزیر پارے کہ ریلوے لین اٹی گچینی آن پد ٹرین تا رفتار 160 کلومیٹر فی گھنٹہ اسکان سرمریک۔ اوپارے کہ انڈر پاس و فلائی اوور نا کمک اٹ غٹ ریلوے کراسنگ آتے چٹفنگک۔
