اسلام آباد۔ 08 جولائی (اے پی پی) پاکستان بھارتی ڈپٹی ہائی کمشنر جے پی سنگھ ئِ دفترخارجہ غا بٹنگسا کنٹرول لین آ چڑی کوٹ و ستوال سیکٹر آتیٹی بلا اشتعال سم کاری آ بھارت آن سخت برانز کرینو۔ دفترخارجہ نا ترجمان نا رداٹ ڈائریکٹر جنرل (سارک و سویلی ایشیائ) ڈاکٹر محمد فیصل ہفتہ نا دے بھارتی ڈپٹی ہائی کمشنر جے پی سنگھ ئِ دفترخارجہ غا بٹنگا و ہفتہ نا دے کنٹرول لین آ بھارتی فورس آتا کنڈآن بلا اشتعال سم کاری نا ترندی اٹ مذمت ئِ کرسا برانزی مراسلہ ئِ اونا حوالہ کریر۔ پاکستان داہیت آ زور شاغنگاکہ شاری تے دانستہ وڑاٹ نشانہ جوڑ کننگ قابل مذمت ئِ و دا گام انسانیت و انسانی حق و انسانی ہمدردی نا بابت کانود نا برخلاف ئِ۔ بھارت آ زورشاغنگاکہ او 2003 ءنا جنگ بندی معاہدہ نا شرف ئِ کے و کنٹرول لین آ امن ئِ برقرار تخے۔ داکان مست ہفتہ نا سہب چڑی کوٹ و ستوال سیکٹراٹی بھارتی فوج انا بلااشتعال سم کاری آن اِرا بندغ شہید و مسٹ ٹھپی مسنو۔ پاک فوج بھارتی بیدادی نا پبی ورندی ئِ تس و بھاز انگا توپ آتے چُپ کرفے۔
