اسلام آباد۔ 08 جولائی (اے پی پی) وزیراعظم محمد نواز شریف پارینے کہ عبدالستار ایدھی ایماندار تینا عمل اٹ ثابت کرینے کہ انسانیت نا شرف ہر مذہب نا بنداو ئِ۔ ایدھی نا اولیکو برسی نا بابت وزیراعظم پارے کہ ایدھی نا یات ئِ اڈ ترسا المی ئِ کہ نن اوناکڑد ئِ مون آ تخن و ہموخوبی تے ودی کین ہراایدھی صاحب اٹی ئسر۔ عبدالستار ایدھی نا برسی نا وخت آ وزیراعظم محمد نواز شریف ایماندار ئِ خراج عقیدت پیش کرسا پارے کہ عبدالستار ایدھی کون آ بندغ آک بیرہ ملک و قوم انا آخا بلکن مچ آ انسانیت نا سرمایہ مریرہ۔ عبدالستار ایدھی تینا زند ئِ خلقت نا خذمت کن وقف کرے۔ اورنگ و نسل یا ذات و مذہب نا پرخ ئِ کتو ہر انسان نا بطور اسہ انسان اسے نا اشرف المخلوقات نا ہند آ تخا و خلقت نا خذمت ئِ کننگ ئِ اسہ سعادت اس سرپند کرے ہنداخاطران اونا ہند اکڑد انا سوب اینو مچ آ دنیا ٹی عبدالستار ایدھی ئِ قدرو منزلت اٹ ہُننگک۔ اونا برسی ئِ اڈ ترسا اودے خراج عقیدت پیش کننگ نا گچین نا وڑوڈول دادے کہ نن خذمت خلق ئِ تینا شعار جوڑ کین تینا تہٹی ہموخوبی تے اتین ہرا ایدھی صاحب اٹی ساڑی ئسر۔
