اسلام آباد۔ 08 جولائی (اے پی پی) ملک انا چندی علاقہ غاتیٹی بروک آ ہفتہ آن بشام نا پِر تا پوسکن آ چرجوئی نا بناءکننگ نا گمان ئِ۔ محکمہ موسمیات نا ترجمان نا رداٹ اسلام آباد، بڑزکو پنجاب و کشمیر اٹی دوشنبے آن پنچ شنبے اسکان شنزہ ئی پِر وخت اس کہ خیبر پختونخوا ٹی سے شنبے آن پِر تاگمان ئِ۔ ترجمان پارینے کہ بشام نا پِر تا دا چرجوئی جمعہ آن یک شنبے اسکان سندھ و بلوچستان اٹی ہم مریک ولے دا چرجوئی وقفہ وقفہ آن برجاءسلک ہرانا سوب برساتی نالہ غاتیٹی جلابی حالیت آتون مون تننگ مریک وخت اس کہ مشی آ علاقہ غاتیٹی مش انا گروک آتا تمنگ نا واقعہ غاک پیش بننگ کیرہ۔
