اسلام آباد۔ 08 جولائی (اے پی پی) بنجائی وزیر سائنس و ٹیکنالوجی رانا تنویر حسین پارینے کہ ارب آڈالر نا چین و پاکستان اقتصادی راہداری (سی پیک) ڈٹ آن ہڑتوم آ ملک آتا نیام اٹ سائنس و ٹیکنالوجی نا میدان اٹی کمکاری ئِ مون آ دننگ اٹی کمک رسینگک وخت اس کہ سی پیک ڈٹ آن الس ئِ روزگار نا وارخواہی دوبریک۔ ہفتہ نا دے اسلام آباد اٹی پاک چین سائنس و ٹیکنالوجی کمیٹی نا دیوان آن تران کرسا بنجائی وزیر پارے کہ چین و پاکستان نا نیام اٹ دوستانہ تعلقداری ئِ وخت اس کہ سی پیک ڈٹ آن تعلقداریک پین سوگو مریرہ و الس ئِ چندی بشخ آتیٹی روزگار نا وارخواہی دوبریک۔ اوپارے کہ حکومت ملک اٹی سائنس وٹیکنالوجی نا مون آ دننگ کن کوشست آتا چرجوئی ٹی پٹ وپولی سرجزآتے کن بجٹ اٹی ودکی کرینے۔
