پاکستان نا کالعدم تنظیم جماعت الاحرار ئِ سلامتی کونسل نا دہشت گردتنظیم آتا فہرست اٹی اوار کننگ نا خیرمقدم
اسلام آباد۔ 07 جولائی (اے پی پی) پاکستان کالعدم تنظیم جماعت الاحرار ئِ سلامتی کونسل نا دہشت گرد تنظیم تا فہرست اٹی اوار کننگ نا خیرمقدم ئِ کرسا پارینے کہ کالعدم تنظیم پاکستان اٹی دہشت گردی نا چندی کارروائی تیٹی اوار مسنے۔ جمعہ نا دے دفترخارجہ نا ترجمان نا رداٹ پاکستان کالعدم تنظیم جماعت الاحرار ئِ سلامتی کونسل نا فہرست اٹی اوار کننگ نا خیرمقدم ئِ کیک۔ ترجمان نا پاننگ ئِ کہ سلامتی کونسل نا 1267پابندی کمیٹی تدوک آ دے کالعدم تنظیم آ پابندی عائد کریسس وخت اس کہ کالعدم جماعت الاحرار ئِ پاکستان گدرینگوک آ سال کالعدم گونداسس۔ اوپارے کہ کالعدم جماعت الاحرار اوغان صوبہ ننگرہار آن پاکستان نا برخلاف کارروائی کیک، دا تنظیم پاکستان اٹی دہشت گردی نا چندی کارروائی تیٹی اوار مسنے۔ تدوک آدے اقوام متحدہ نا سلامتی کونسل نا 1267پابندی کمیٹی کالعدم تنظیم آ پابندی عائد کرسا تنظیم نا میرات آتے منجمد ، سفری و سلہہ غاتا فراوانی آ پابندی عائد کرے۔ ترجمان دفترخارجہ نا رداٹ پاکستان سلامتی کونسل آن کالعدم تنظیم آ دہشت گردی نا سوب پابندی نا درخواست کریسس۔
