پاک چین اقتصادی راہداری منصوبہ ئَ چہ بلوچستانئَ ھوار چاریں صوبہ آنی دیمروئی بندوک اِنت، بھارت خطہ ئِ تہاتکانسری پیداک کنگئَ اِنت، کشمیرئِ جیڑھ ئَ ھوار دراھیں جیڑھ آنی سولءُ ترانئِ وسیلگئَ گیش ءُ گیواری کنگ بہ بیت
کوئٹہ۔06جولائی (اے پی پی) سینیٹئِ ڈپٹی چیئرمین مولانا عبدالغفور حیدری ئَ گشتگ کہ پاک چین اقتصادی راہداری منصوبہ ئَ چہ بلوچستان ئَ ھوار چاریں صوبہ آنی دیمروئی بندوک اِنت، بھارتئَ ھواردگہ ملک آناں سی پیک ئِ منصوبہ ہضم بوھگئَ نہ اِنت،پاکستان ئَ 57ارب ڈالر ئِ زرکاری سی پیک ئِ شکل آھاناں کُنٹگ جنگئَ اِنت کشمیرئِ جیڑھئَ ھوار دگہ جیڑھءُ جنجالانی سولءُ تران ئِ وسیلگئَ گیشءُ گیواری کنگ بہ بیت۔ اے ھیالانی درشانی آئی ئَ پنچ شمبے ئِ روچئَ ”اے پی پی“ ئَ گوں گپءُ تران کنان ئَ کتگ۔ مولانا عبدالغفور حیدری ئَ گشتگ کہ بھارت خطہئِ تہا تکانسری پیداک کنگئَ اِنت کشمیرئِ جیڑھ ئَ ھوار دگہ جیڑھ ءُ جنجالانی سولءُ ترانئِ وسیلگئَ گیشءُ گیوار کنگ بہ بیت، مقبوضہ کشمیر ئِ آزاتی دوست اُلسئِ قربانی ضلور رنگ کارنت، پاکستان کودکیں کشمیر آنی اخلاقی سیاسی ءُ سفارتی ھمراھ داری ئَ جاری داریت، سینیٹ ئِ چیئرمین ئَ گشتگ کہ مقبوضہ کشمیرئَ انسانی ھکانی ھلاپ ورزیئِ سرئَ انسانی ھکانی تنظیم ءُ میاں اوستمانی طاقت آنی ھاموشی ئِ سرئَ اپسوز اِنت، خطہ ئِ تہا امنءُ ایمنی ءِ ھاترئَ کشمیرئِ جیڑھئِ گیشءُ گیواری المی اِنت۔ آئی ئَ گشتگ کہ امنءُ ایمنیئَ ابید دیمروئی ءُ وشھالی ئِ واب کدی ھم پیلو نہ بیت، امنءُ ایمنی پاکستان ءُ بھارت ئَ ھوار خطہ ئِ دراھیں ملک آنی ضلورت اِنت چیاکہ امنءُ ایمنی ئَ ابید جنوبی ایشیا ئَ معاشی مھکمیءُ دیمروئی بوت نہ کنت۔
