کامرہ۔ 06جولائی (اے پی پی) بنجائی وزیر ڈٹ بندی، شونداری و اصلاحات احسن اقبال پارینے کہ پاک فضائیہ دہشت گردی نا برخلاف جنگ اٹی اہم کڑد ادا کرینے، سوگو پاکستان کن اسہ سوگو ئُ فضائیہ و اسہ فضائی ئُ پلیٹ فارم اس بے کچ المی ئِ۔ او پنچ شنبے نا دے ایروناٹیکل کمپلیکس کامرہ ٹی ایوی ایشن سٹی نا اڈتننگ نا بابت اڈ ہلوک آ اسہ دود اسے آن تران کریکہ۔ بنجائی وزیر پارے کہ پاک فضائیہ دہشت گردی نا برخلاف جنگ اٹی اہم کڑد ادا کرینے۔ اوپارے کہ فضائیہ ہر ملک انا واک انا اسہ اہم ئُ عنصر اسے ہرادے قومی سلامتی کن پوسکن ئُ اہمیت اس دوئی ئِ۔ اوپارے کہ ایوی ایشن سٹی نا اڈتننگ بے کچ جوان ئُ وخت اسے آ کننگانے دا ہر وڑنا گرج آتے پورو کیک ہراڑے فضائی بشخ اٹی پاکستان کن پوسکن ئُ وارخواہی ودی کننگ کن علم و صنعت اواری اٹ کاریم کننگ کیرہ۔ بنجائی وزیر داپت انا درشانی ئِ کرے کہ ایوی ایشن سٹی آن نئے بیرہ ننے دفاع و سلامتی نا بشخ اٹی لائخی تے تالان کننگ اٹی کمک رسینگک بلکن دا کمرشل ایوی ایشن سرجزآتے کن بنداو جوڑ مریک۔
