اسلام آباد۔ 06جولائی (اے پی پی) وزیر داخلہ چوہدری نثارعلی خان اسلام آباد انتظامیہ نا کنڈآن انٹرنیشنل ڈریونگ لیسن و ڈومیسائل نا جاری کننگ نا مد اٹی زیات فیس انا ہلنگ نا غاو نا نوٹس ئِ ہلسا کمامدارآتے چوبیس گھنٹہ ٹی رپورٹ پیش کننگ نا پارت کرینے۔ پنچ شنبے نا دے وزارت داخلہ آن جاری بیان نا رداٹ وزیر داخلہ پارے کہ اسلام آباد انتظامیہ داہیت انا وضاحت ئِ کرے کہ بادی النظرزیات فیس انا ہلنگ کن سوب آتا بناءآ و انت اکن کننگ انگ ئِ۔ چوہدری نثارعلی خان پارے کہ داہیت انا ہم تعین ئِ کننگے کہ زیات فیس انا وصولی چوخت آن و دِنا منظوری آن کننگ انگ ئِ ، اسہ ہی دستاویز نا جاری کننگ کن ملک انا چندی بشخ آتیٹی جتا فیس انا ہلنگ غیر منصفانہ و غیر منطقی ئِ ہرانا ہچ ئُ دروشم اسے ٹی موکل تفننگک۔ وزیر داخلہ کمامدارآتے بیست ئُ چار گھنٹہ ٹی رپورٹ پیش کننگ نا پارت کرینے۔
