اسلام آباد۔ 06 جولائی (اے پی پی) بنجائی وزیر دفاعی پیداوار رانا تنویر حسین ڈیفنس ایکسپورٹ پروموشن آرگنائزیشن (ڈی ای پی او) نا پوسکن آ ڈائریکٹر جنرل میجر جنرل احمد محمود حیات نا کسبی لائخی تا ستائِ کرسا اومیت ظاہر کرینے کہ اونا چاروکی ٹی ادارہ پین شون ہلیک و ننا دفاعی مصنوعات آتا برآمد آک پین ودرہ۔ ترجمان وزارت دفاعی پیداوار نا رداٹ بنجائی وزیر دفاعی پیداوار رانا تنویر حسین تون ڈیفنس ایکسپورٹ پروموشن آرگنائزیشن (ڈی ای پی او) نا پوسکن آ ڈائریکٹر جنرل میجر جنرل احمد محمود حیات خیر سگالی اوڑدہی اس کرے۔ بنجائی وزیر رانا تنویر حسین میجر جنرل احمد محمود حیات ئِ ڈیفنس ایکسپورٹ پروموشن آرگنائزیشن نا ڈائریکٹر جنرل نا عہدہ ئِ سنبھالنگ آ مبارکبادی تس۔ وزارت دفاعی پیداوار نا سیکرٹری لیفٹیننٹ جنرل (ر) سید محمد اویس ہم داوخت آ ساڑی ئس۔ بنجائی وزیر رانا تنویر حسین میجر جنرل احمد محمود حیات نا کسبی لائخی تا ستاءئِ کرے و اومیت ظاہر کرے کہ اونا سروکی ٹی دا ادارہ پین شون ہلیک و ننا دفاعی مصنوعات آتا برآمدآک پین ودرہ۔ میجر جنرل احمد محمود حیات بنجائی وزیر ئِ باوری ترفے کہ او پاکستان نا دفاعی صنعت نا شونداری کن تینا پبی لائخی تے کاریم اٹ اتیک۔
