وزیراعظم محمد نواز شریف تاجکستان نا اِرادے ئی دورہ ئِ پورو کننگ آن پد وطن آ پدی رادہ مس

دوشنبے۔06جولائی (اے پی پی) وزیراعظم محمد نواز شریف تاجکستان نا اِرادے ئی دورہ ئِ پورو کننگ آن پد پنچ شنبے نا دے وطن آ پدی رادہ مس۔ تاجک وزیراعظم قاہر رسول زادہ و ایلو بڑزکو کمامدارآک انٹرنیشنل ایئر پورٹ آن وزیراعظم ئِ رخصت کریر۔ داوخت آ تاجک گارڈز وزیراعظم ئِ سلامی پیش کرے۔ اودے کاسا1000 ، چارملکی سروک دیوان اٹی شرکت کن دادورہ نا تاجک صدر امام علی رحمانوف تسوسس۔ وزیراعظم دورہ ٹی کاسا 1000 سروک دیوان اوغانستان ، پاکستان ، تاجکستان سہ کڑدہ ہی سروک دیوان اٹی شرکت آن بیدس تاجک صدر و وزیراعظم تون جتا جتا اوڑدہی ہم کرے۔ وزیراعظم نا سلاہکار خارجہ امور سرتاج عزیز ، بنجائی وزیر خواجہ آصف، انجینئر خرم دستگیر ئسک ہم اوڑتون اوار ئسر۔