کوئٹہ۔ 06 جولائی (اے پی پی) گورنر بلوچستان محمد خان اچکزئی کوئٹہ ٹی سم کاری نا واقعہ غاتا ترند انگا لوز آتیٹی مذمت ئِ کرسا سم کاری ٹی اوار دوبہ دار آتے دمدستی وڑاٹ دزگیر کننگ نا پارت کرینے۔ سرجم احوال آتارداٹ پنچ شنبے نا دے گورنر بلوچستان محمد خان اچکزئی ارباب کرم خان و ایئر پورٹ روڈ آ سم کاری نا واقعہ غاتا ترند انگا لوز آتیٹی مذمت ئِ کرسا پارے کہ خونی تے دمدستی وڑاٹ دزگیر کرسا اوفتے اوفتا کروک نا سزا تننگے، گورنر بلوچستان تپاخت کروک آ بندغ آتا خاہوت آتون ہڑزخواہی نا درشانی ئِ کرسا پارے کہ اللہ تعالیٰ ایماندار تے جنت الفردوس اٹی جاگہ و پدسلوک آتے صبر کننگ نا توفیق عطاءفرمائفے۔
