عمران خان مرچی ھم دروگ برگ ئَ سیر نہ کنت،مریم نواز سرکاری پروٹوکول ئَ جے آئی ٹی ئَ نہ اتکگ، مریم نواز مزن وزیر ئِ جنک اِنت، آئی ئَ ناشرکاری ئِ ھلاپ ئَ کامیاتیں جنگ ئِ مچین تگ، آئی ئِ پاسبانی ئِ ھاترا ضلوری ایں سیکورٹی پُجارینتگ،
ایشرا پروٹوکول گوشگ دورگ اِنت، عمران خان سیکورٹی ئُُ پروٹوکول ئِ تہ ئَ پرک ئَ نہ زانت
خان صاحب تئی وڑیں مردم وتی جند ئِ زھگ آں کبول نہ کنت آ گڈا انچیں بیان دنت
چم آں پچ کن اُلس ئِ دوستی چتور بیت
وزیر ئِ مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئِ بیان
اسلام آباد ۔ 5 جولائی (اے پی پی) وزیر ئِ مملکت برائے اھوالکاری ئُُ شنگ کاری ئُُ ر اجی مڈی مریم اورنگزیب ئَ گوشت کہ عمران خان مرچی ھم دروگ برگ ئَ اِنت سیر نہ کنت۔ مریم نواز اچ سرکاری پروٹوکول ئَ جے آئی ٹی ئَ نہ اتکگ، مریم نواز شریف مزن وزیر ئِ جنک اِنت ، مزن وزیر ئَ ناشرکاری ئِ ھلاپ ئَ ترندیں ئُُ سوب مندیں کار کتگ، آئی ئَ را پاسبانی ضلوری اِنت المی سیکورٹی پُجارینگ ئَ را پروٹوکول گوشگ شر نہ اِنت۔ درستیں لوگ ئِ مردم آنی وتی پرائیوٹ گاڑی اَنت، عمران خان سیکورٹی ئُُ پروٹوکول ئِ تہ ئَ پرک ئَ نہ زانت، عمران خان صاحب ، جنکیں زھگ آنی شرپ ئُُ ازت کنوک ھمے رنگ ئَ کاینت، خان صاحب تئی وڑیں مردم کہ وتی زھگ آں کبول نہ کنت آ انچیں بیان دنت۔ چار شمبے ئِ روچ ئَ سیکورٹی ئِ کارندہ آنی مزنیں کساس ئِ ڈیوٹی ئِ ھوالگ ئَ عمران خان ئِ بیان ئِ پسو ئَ مریم اورنگزیب ئَ گوشت کہ ملک ئِ بازیں کنڈ آں چہ مردم وتی سروک آں گوں یکوئی ئِ درشان ئَ اتکگ بوتگ آں پمشکہ ھندی انتظامیہ ئَ ھرابیں واکیہ ئِ رکھگّ ئِ ھاترا توامیں پاسبانی گامگیج کتگ اَنت۔ وزیر ئِ مملکت مریم اورنگزیب ئَ گوشت عمران خان پسو بہ دنت، عمران خان تو راج ئَ را پسو بدے کہ کجام بستار ئَ سر وزیر گس ئَ چکئی ئِ مار ئِ سیڑھی ئَ لیب کن اِت، ما ر کئے انت اُلس سرپد اِنت۔ مار ئِ لیب ئَ چہ واجئی ئِ شاٹ کٹ سیڑھی ئَ شوھازگ ئَ اِنت۔ آئی ئَ گوشت کہ کجام بستار ئَ تو کے پی کے ئِ سرکاری ہیلی کاپٹر ئَ سور بئے۔ تو پسو بدئے کہ یہودی ئُُ ہندو آنی در ملکی فنڈنگ کُجا چہ ترا کئیت۔ آئی ئَ گوشت کہ عمران خان تو راج ئَ را پسو بدئے کہ زکوة ئِ زرّجیوا ئَ چیا جتگ آں۔ آئی ئَ گوشت کہ عمران خان صاحب چم آں پچ کن اُلس ئِ دوستی چون بیت۔
