آئی ئِ وش گالی ئَ اُلس ئِ دل آناں باج بُرت، مسلم لیگ (ن) ئِ باسک ئُُ شہری مردم آنی پسو
اسلام آباد ۔ 5 جولائی (اے پی پی) مزن وزیر محمد نواز شریف ئِ جنک مریم نواز ئَ چار شمبے ئِ روچ ئَ جے آئی ٹی ئَ پیش بوھگ ئَ پد گپ ئُُ تران ئَ سرجمیں کوفیڈنس ئِ گوما میڈیا ئِ دیم ئَ تران کت۔ بانک مریم نواز جوڈیشل اکیڈمی ئَ چہ ڈن ئَ ڈائس ئِ سر ئَ اتک ئُُ تران ئِ کت اے ساھت ئَ وتی ھلاپ ئِ مردم آنی دیم ئَ اچ کس ئِ نام ئَ گرگ ئَ بگیر ایراد گپت۔ مسلم لیگ (ن) یوتھ عنگ آزات کشمیر ئِ صدر حنیف ملک ئَ مریم نواز شریف ئِ تران ئِ بابت ئَ گوشت کہ مزنیں کوفیڈنس ئِ گوما میڈیا ئِ پسو آئی ئِ ازم ئِ درشان اِنت۔ آ یک دلیریں ئُُ نہ ترسیں زالبول ات آئی ئَ سک باز دلیری ئَ گوں راج ئِ دیم وتی بُن گپ پیش کتگ۔ ایم ایس ایف آزات کشمیر ئِ صدر سردار فواد ئَ گوشت کہ مریم نواز ئِ گشتانک لائک ئِ توسیپ اِنت، آئی ئَ مریم نواز آیوکیں وھد ئِ لیڈر اِنت آئی ئِ تہ ءَ وتہ پت ئِ دروشم گندگ ئَ کئیت۔ آ مزن وزیر ئِ جانشین بوھگ ئِ راستیں ھکدار اِنت۔ آئی ئَ گوشت کہ اے گپ لائک ئِ تران اِنت کہ مزنیں کساس ئَ چار شمبے ئِ روچ ئَ جے آئی ٹی ئَ مریم نواز ئِ پیشی ئِ موہ ئَ آئی ئِ تران گوں ٹی وی چینل آں بوت۔ جے آئی ٹی ئَ مریم نوز کساس 2کلاک ئَ وتی پت ئُُ ھاندان ئِ مڈی ئُُ کاروبار ئِ ھوالگ ئَ جست آنی پسو دیگ ئَ پد فیڈرل جوڈیشل اکیڈمی ئِ ڈن ئَ اتک میڈیا ئِ دیم ءَ اتک سرجمیں ھال رسانکی در آئی ئِ ودار ئَ اُشتاتگ ئُُ ساڑی اَتنت۔ مریم نواز ئِ گپ ئُپ تران سرجم بوھگ ئَ پد ایشی ئِ سرئَ اُلسی تک ئَ سوشل میڈیا ئَ باست ئُُ واست بندات بوت۔ یک شہری مردم خالق چوہدری ئَ گوشت کہ مریم نبشتہ کتگیں گشتانک ئَ وان ایت بلے آئی ئِ پسو ئُُ تران آں مارا متاسر کتگ۔ آئی ئِ دل ئَ در اتک کگیں گپ سما بوتگ آں۔ دگہ یک شہری محمد ریحان ئَ گوشت کہ مریم ئَ وتی پت ئُُ ھاندان ئِ شرپ مندیں جنک انت ۔ محمد علی ۔ گوشت کہ اولی رند ئَ مریم نواز ئِ تران ئُُ گشتانک ھشکتگ آں ئُُ من آئی ئَ چہ متاسر بوتگ آں۔ مسلم لیگی باسک نواز خان ئَ گوشت کہ ھلاپ ئِ مردم مریم نواز ئَ چہ ترسگ ئَ آں ئُُ مریم نواز ئَ ھلاپ ئِ مردم آنی دپ بند کتگ۔
