پاکستان ءُ تاجکستان ءِ درنیامءَ کمک ءِ بازیں موھ اَست اَنت، پاک چین اقتصادی کمک ءَ چہ دمگی نزیکی گیش مھکم بنت ، پاکستان کاسا1000بجلی ءِ منصوبہ ءَ را سک باز ارزشت دنت ایشیءَ چہ دمگی کمک گیش بیت، پاکستان ءَ ناشرکاری بیم کاری ءِ ھلاپ ءِ جنگءَ باز قربانی داتگ، بھارتءِ گوما کشمیر ءِ جیڑھ ءَ را امنءُ ایمنی ءِ گوما گیشءُ گیوار کنگءِ واھشت مند اَنت، مزن وزیر محمد نواز شریف
دوشنبے۔5جولائی (اے پی پی ) مزن وزیر محمدنواز شریف ءُ تاجکستان ءِ صدر امام علی رحمانوف ءَ چارشمبے ءِ روچءَ دو پہ دوھی ءَ گندءُ نند کتگءُ بیپاری، توانائی ءُ دیمپانی ءِ پڑآں دوھیں ملک آنی درنیامءَ نزیکیں شریداری ءِ ضلورت ءِ سرءَ زور پِرداتگ۔ پیلس آف دی نیشن ءَ بوتگیں گندءُ نند ءِ تہا دوھیں رہنما آں دونیمگی نزیکی سیاسی نزیکیءَ را سٹرٹیجگ کمک ءِ تہامان کنگءِ سرءَ زور پِرداتگ۔ صدر ءُ مزن وزیر ءَ اے ھوالگءَ سدکیءِ درشانی کتگ کہ پاکستان ءُ تاجکستان وتی دوستی ءِ 25سال ءَ گوازینگءَ اِنت۔ مز ن وزیرءَ شنگھائی کمک تنظیم ءِ باسکی ءِ ھاترءَ پاکستان ءِ کمک کنگءِ سرءَ تاجک صدرءِ شگرءُ منت گپتگءُ گشتگ کہ پاکستان صدر امام علی رحمانوف ءِ سروکی ءَ بوتگیں سماجی ءُ اقتصادی دیمر وئی ءَ را ساڑاتگ۔ آئیءَ گشتگ کہ بازیں پڑآں پاکستان ءُ تاجکستان ءِ درنیامءَ کمک ءِ بازیں موھ است اَنت وھدے کہ دونیمگی بیپاری حجم ءَ را تاں 500ملین ڈالر ءَ گیش کنگءِ ضلورت اِنت۔ آئیءَ گشتگ کہ پاکستانءَ 2017ءَ بزنس فورم ءَ ابید 2015ءَ دوشنبےءَ سئے بیپاری نماش ھم کتگ۔ نواز شریف ءَ گشتگ کہ پاکستان کاسا 1000بجلی منصوبہ آناں سک باز ارزشت دنت کہ ایشیءَ چہ دمگی کمک گیش بیت ۔ مزن وزیر ءَ اے گپءِ زکر کتگ کہ گوادر ءِ زری شہر تاجکستانءِ ھاترءَ جوانیں بیپاری روٹ پھجارین ایت۔ مزن وزیرءَ گشتگ کہ پاکستان بھارتءِ گوما کشمیر ءِ جیڑھءِ امن ءُ ایمنیں گیش ءُ گیوارءِ واھشت مند اِنت۔ دوھیں رہنما آں کشتءُ کشاری ، صنعت ، وانگءُ زانتءُ دودءُ ربیدگ ءِ پڑآں کمک ءِ ضلورت ءِ سرءَ زُور پِر داتگ۔ ایشی ءَ پد آئی ءِ کمک کار ھم دوھیں رہنماآنی گوما صدارتی ماڑی ءَ ڈلی تک ءَ بوتگیں اجلاس ءَ ھوار بوتگ اَنت۔