مزن وزیر محمد نواز شریف ئِ آئی سی سی چیمپینز ٹرافی ئِ باج بروکیں قومی کرکٹ ٹیمب ئِ شرپ ئَ وش اتکی گشتانک

2013ئَ مئے حکومت آیگ ئَ پد معشیت گہتر بوتگ، توان ئِ کمیگ پیلو بوتگ، سیل ئُُ سواد ئِ شوبگ ئَ دیمروئی رستگ، ما ھمک پڑ ئَ باج بروک آں، راجی کرکٹ ٹیمب ئِ لیبی راستیں بامرد آں، لیب آنی دیمروئی ئَ سر وزیر یونین کونسل ئِ پڑ ئَ جوانیں لیب ئِ پڑ جوڑ کنائینتگ،
مزن وزیر محمد نواز شریف ئِ آئی سی سی چیمپینز ٹرافی ئِ باج بروکیں قومی کرکٹ ٹیمب ئِ شرپ ئَ وش اتکی گشتانک
اسلام آباد ۔ 4 جولائی (اے پی پی) مزن وزریر محمد نواز شریف ئَ گوشت کہ دُگنیا ئَ پاکستان ئِ دیمروئی ئِ ھوالگ ئَ وتی یک جاھ ئِ دار ایت، پاکستن ئِ برجائی ئِ 20/30سال مل اَنت گڈا ما دگنیا ئِ بازیں ملک آں چہ دیم باں، دیمروئی بیت گڈا ٹیمب شر لیب کنت، پاکستان ئِ نام بُرز ئُُ بالا بیت، پی سی بی پاکستان ئَ کیت ئُُ کرکٹ لیب کنگ ئَ کجام ھم ملک ئِ منت ئُُ لیلہ ئَ مہ کنت، ھرکس کہ وشی ئَ آیگ لوٹیت آرا وش اتک کنان، ھر کس کہ آیگ نہ لوٹ ایت آیا مجبور نہ کناں، آ وھد زوت پیداک اِنت، ھر کس وتی مرضی ئَ آیگ لوٹیت ، 2013ئَ مئے حکومت آیگ ئَ پد معشیت گہتر بوتگ، توان ئِ تہئَ گہتری اتکگ ۔ سیل ئُُ سواد ئِ تہ ئَ دیمروئی رستگ، ناشرکاری دم پروش بوتگ، ما ھمک میدان ئَ باج بروک آں ، اللہ پاک ئِ لک منت اِنت۔ ایشی ئَ 18جون ئَ انگلینڈ ئَ انٹرنیشنل چیمپیئنز ٹرافی ئِ گائنل ئَ وتی دیم ئِ لیبی بھارت ئَ ئَ 180رن آنی پروش دات ئُُ اولی رند ئَ چیمپینز ٹرافی کٹ اِت۔ وش اتکی مراگش ئَ راجی ٹیمب ئِ لینی ئُُ مینجمنٹ ئَ ابید بُنجاھی وزیر ئُُ باسک پارلیمنٹ ئَ ھوار بازیں شوبگ آں گوں سیادی داروکیں ٹوھیں مردم آں بھر زورت۔ مزن وزی ئَ اے موہ ئَ راجی ٹیمب ئُُ مینجمٹ ئَ را زرّ تاک بھر ئُُ بانگ کت اَنت۔ مزن وزیر ئَ گوشت کہ 1990ئَ وھد ئِ مزن وزیر بوتگ آں گڈا شہر یار خان سیکرٹری درئی کار بوتگ، منا آئی ئِ گوما کار کنگ ئِ موہ رستگ۔ آ پاکستان ئِ ئِ ھاترا جوانیں کار کنگ ءَ اِنت۔ اے وھد ئَ منا آئی ئِ واستہ مزنیں شرپ دل ئِ تہ ئَ ایر ، آئی ئَ گوشت کہ من پاکستان کرکٹ ٹیمب ئِ نامدار ئُُ بامردیں لیبی آناں وش ا۔تک کناں۔من دزبندی کنی کہ آ کجام ھم ٹیم یا ملک ئِ منتئَ مہ کنت کہ پاکستانئَ بیا اِت، ھرکس کہ وتی وشی ءَ چہ کیئت مہ آئی ئَ را وش اَتک کن اَنت اگاں نیااَنت مہ آھاں زور نہ کن اَنت، مئے ھم عزتءُ شرپ اَست، آ وھد نزیک اِنت کہ مردم وتی مرزی ءُ وشیئَ چہ تچان بنت ءُ کااَنت۔ مزن وزیر ئَ گشتگ کہ آئی ئَ 60ئِ دہائی ئَ قذافی سٹیڈیم ئَ پاکستان ءُ ویسٹ انڈیز ئِ درنیامئَ اولی ٹیسٹ میچ دیستگ بوتگ، آ وھدئَ آئیئِ نام لاہور سٹیڈیم بوتگ۔ اعجاز بٹ مئے بیٹنگ کنوک لیب ئَ بوتگ آئیئَ را بال باﺅنس بوتگ ءُ پونزئَ ٹپ بوتگ آ سک ٹپیگ بوتگ ، آ وھدئَ سرجمیں دنیائَ چہ لیبی اَتکگ اَنت۔ سعید احمد مزنیں جوانیں لیبیے بوتگ، مئے وکٹ کیپر اعجاز جوانیں وکٹ کیپرے بوتگ ءُ آ زمانگ ئِ عمر قریشی ءُ جمشید والکر مزنیں لیبیے بوتگ۔ مزن وزیر ئَ راجی کرکٹ ٹیم ئِ لیبیاناں گشتگ کہ آیوکیں سالاں شمارا چہ ھم بازیں یاتے بندوک بیتءُ شما انشااللہ کسئَ چہ کم نہ بئے، نام پیداک کن اِت۔ مزن وزیر ئَ دراھیں لیبیاناں یک رندے پدا مراد بات داتگ ءُ گشتگ کہ آیوکیں وھدلیبانی وھدبیت، دیمروئی ئِ گوما لیبانی وھد بیت۔ مزن وزیر ئَ گشتگ کہ شما درسانی سک باز شگرءُ منتئَ ادا کنی، اُمیت اِنت کہ گوں شما زوت گند ءُ نند پدابیت۔ اے موھ ئِ سرئَ راجی کرکٹ ٹیم ئِ لیبیءُ انتظامیہ ئَ مزن وزیر ئِ گوما یک جائی عکسے کش اِتگ۔