مزن وزیر محمد نواز شریف صدر امام علی رحمانوف ئِ داتگیں دعوت ئِ پد ئَ (چارشمبے) ئَ چہ تاجکستان ئِ دو 2 روچی سرکاری تر ئُُ تاب ئَ کنت

اسلام آباد ۔ 4 جولائی (اے پی پی) مزن وزیر محمد نواز شریف صدر امام علی رحمانوف ئِ داتگیں چار شمبے ئِ روچ ئَ چہ تاجکستان ئِ دو روچی سرکاری تر ئُُ تاب ئَ کنت، مزن تک ئِ ٹولہ مزن وزیر ئِ ھمبراھ بیت۔ پاکستان ئُُ تاجکستان ئِ نیام ئَ نزیکی ئُُ کمک آنی درگت ئَ ایش کہ یک رنگیں راجدپتر ئُُ دود ئُُ ربیدگ ئُُ یکیم ھم رنگین اَنت۔ دوئیں ملک پڑ ئَ امن ، برجائی ئُُ دیمروئی ئِ ھاترا یک وڑیں سسا دار اَنت وھدیکہ دوئیں مل یکیں ئُُ میاں اوستمانی جیڈھ آنی سر ئَ یک وڑیں لیکہ دار اَنت۔ پاکستان ھما ملک آنی تہ ئَ ھوار انت کہ آئی ئَ تاجکستان ئِ آزاتی ئَ را منگ ئَ ھوار سفارتی یکوئی ئَ را تسلیم کتگ ئُُ دو شنبے ئَ وتی ریزیڈنٹ مشن پچ کتگ۔ مزن وزیر ئَ تاجکستان ئِ تر ئُُ تاب ھمساھگ ئُُ دمگی ملک آنی گوما پاکستان ئِ مھکمیں یکوئی ئُُ اقتصادی کمک ئُُ دمگی رابطہ ئِ ھاترا وتی وژن پدر کتگ۔ دو شنبے ئَ دوئیں ملک آنی سروک تجارت ئُُ سرمایہ کاری ، ھاٹیگ ئِ دیمروئی ئِ ھاترا وت مہ وت ھیال ریچی کن اَنت۔ اے گند ئُُ نند ئِ تہ ئَ ”علاقائی یکجہتی کیلئے تزویراتی شراکت داری کی جانب شاہراہ“ اے بن گپ ئِ سر ئَ دست چنگل ھم جنگ بیت۔ اے موہ ئَ یکجائی کاروباری کونسل ئِ دیوان ھم بیت۔ تاجکستان ”کاسا 1000“ ئِ باسکیں ملک اوگانستان ، کرغزستان، پاکستان ئُُ تاجکستان ئِ چار کسی سروک دویوان ئِ میزبانی ھم کنگ ئَ اِنت۔ اے منسوبگ ئِ مول ئُُ مراد راہداری ئِ برجائی ئُُ تاجکستان، اوگانستان ئُُ پاکستان ئِ نیام ئَ زمینی یکوئی ئَ را شائیگان کنگ اِنت۔ اے پاکستان ئُُ اوگانستان ئُُ تاجکستان ئُپازبکستان ئَ پیداک بوتگیں توان ئِ پجاری کنگ اِنت۔ تر ئُُ تاب ئِ ساھت ئَ دمگی بن گپ آنی سر ئَ ھیال ریچی ھم کنگ بیت۔ پاکستان اوگانستان ئُُ ت اجکستان ئِ نیام ئَ سئے کسئی سروک دیوان ئَ برجم دارگ بیت۔