عمران خان نوکیں پاکستان ءِ دروشمءَ کونیں پاکستانءِ گڈی ہتھکنڈا انت، الیکشن کمیشن ءِ تہا عمران خان ءِ ھلاپءَ آمید گسءِ بے شرپی ءِ درکاست نہ داتگ، پی ٹی آئی ءَ آئینی ادارگ آنی بے شرپی کتگ، عمران خان نوں گھیرا کنگ بوھگءَ اِنت، اولی روچءَ چہ عمران خان جمہوریتءِ ھلاپ اِنت

مسلم لیگ(ن) ءِ رہنما دانیال عزیز ءِ الیکشن کمیشن ءِ تہا عمران خان ءِ ھلاپءَ آمید گس بے شر پی ءَ پد ھال درءِ گوما گپءُ تران
اسلام آباد۔4جولائی (اے پی پی) مسلم لیگ(ن) ءِ باسک دانیال عزیزءَ گشتگ کہ عمران خان نوکیں پاکستانءِ دروشمءَ کونیں پاکستان ءِ گڈی ہتھکنڈااِنت، الیکشن کمیشن ءِ تہا عمران خان ءِ ھلاپ ءَ آمید گس بے شرپی درکاست نہ داتگ،الیکشن کمیشن ءَ وت گامگیج چست کتگ، پی ٹی آئی ءَ آئینی ادارگ آنی بے شرپی کتگ وھدے کہ ن لیگ ءَ را پُشتءَ دور دیئگ ءِ کوشست کنگ بوھگءَ اِنت۔ سئے شمبے ءِ روچءَ الیکشن کمیشن ءِ تہا تحریک انصاف ءِ سروک عمران خان ءِ ھلاپ ءَ آمید گس بے شرپی ءِ مقدمہ ءِ گوشدارگءَ پد ھال درءِ گوما گپءُ تران کنانءَ دانیال عزیز ءَ گشتگ کہ عمران خان شاہ آمید گس ءَ ھوار ھچ آمید گسءَ پیش نہ بوتگ ءُ آئی ءِ وکیل پیش بیت ، آئی ءَ را جست کنوک کس نیست۔ عمران خان ءِ دزگیری ءِ وارنٹ سئے سال ءَ پیسر جاری بوتگ اَنت، آئی ءَ 10ارب ءِ دروگیں دعوہ ءِ ھم ھچ پسو نہ داتگ، مارا الیکشن کمیشن ءِ سگءُ اوپار ءِ سرءَ ابکئی اِنت ، عمران خان الیکشن کمیشن ءَ چہ چیا تچگءَ اِنت، نوں دروگءُ بہانہ ءَ چہ ھچ کار نہ بیتءُ پسو لوٹ ایت۔ دانیال عزیز ءَ گشتگ کہ(ن) لیگ ءَ را پشت کنگءِ کوشست کنگ بوھگءَ اِنت۔ کسے کہ مارا بد ءُ رد کنگ گڈا ایشی ءِ پسو دیئگ مارا کیئت، 2010ءَ عمران خان ءِ چے بستار بوتگ، پی ٹی آئی ءَ آئینی ادرگ آنی بے شرپی کتگ۔ عمران خان گھیرا بوھگءَ اِنت۔ دانیال عزیز ءَ گشتگ کہ عمران خان ءَ را کہ شک اِنت آ ئی ءَ چہ ما سرپد اَنت، اے درسانی سرءَ لنکک چست کنت آدلءَ چہ دُزءُ لگور اِنت، اولی روچءَ چہ عمران خان جمہوریت ءِ ھلاپ اِنت۔