ملکءِ صدر ممنون حسین ءِ چیئرمین پاکستان الیکٹرک فین مینو فیکچرز ایسوسی ایشن گجرات ءِ سروکیءَ ڈل ءِ گوما گپءُ تران

کم زرکاری والا انڈسٹریز ءِ ٹیکس ریٹرن ءِ تہا گشادی آرگ بہ بیت، کسانیں صنعت کار زرکری رعایات ءِ جوانیں کارمرزی ءَ را اوست مند جوڈ کنگءُ استیں آسراتی آنی پاھدگ ءِ تہا گیشی کُت کن اَنت، فین انڈسٹری ءُ ھمگرنچیں وزارت آنی وت مہ وتءَ نزیکی گیش کنگ بہ بنت
ملکءِ صدر ممنون حسین ءِ چیئرمین پاکستان الیکٹرک فین مینو فیکچرز ایسوسی ایشن گجرات ءِ سروکیءَ ڈل ءِ گوما گپءُ تران
اسلام آباد۔4جولائی (اے پی پی) ملک ءِ صدر ممنون حسین ءَ گشتگ کہ کم زرکاری والا انڈسٹریز ءِ ٹیکس ریٹرن ءِ تہا گشادی آرگ بہ بیتءُ آھاں دراھیں ضلوری آسراتی پھجارینگ بہ بنت تنکہ ملکءِ معیشت دیمروئی بہ کنت۔ اے گپ آئی ءَ ایوان صدر ءَ چیئرمین پاکستان الیکٹرک فین مینوفیکچرز ایسوسی ایشن گجرات نبیل احمد الیاس ءِ سروکیءَ ڈل ءِ گوما گندءُ نندءِ وھدءَ کتگ۔ ملکءِ صدر ءَ اے ھوالگءَ وشیءِ درشانی کتگ کہ پاکستان ءِ فین انڈسٹری کم توانائی کارمرز کنوکیں پنکہ جوڈ کنگ ءَ اِنت ، توانائی ءِ استیں جاورھال ءِ تہا کہ ایشی ءِ سک باز ارزشت اِنت ، اے رحجان ءِ تہا گیش گہتری آرگءِ ھاترءَ ضلوری اِنت کہ فین انڈسٹری ءُ ھمگرنچیں وزارت آنی وت مہ وتءَ نزیکیانی تہا گیشی کنگ بہ بیت تنکہ ھمگرنچیں صنعت ءِ جیڑھ ءُ جنجال گیشءُ گیوار کنگ بہ بنت۔ آئی ءَ گشتگ کہ کسانیں صنعت کار زرکاری رعایات ءِ جوانی کارمرزی ءَ اوست مند جوڈ کنگ ءُ استیں اسراتیانی پاھدگ آنی تہا گیشی کنگ بہ بیت۔ ملک ءِ صدر ءَ ڈل ءَ را اوست داتگ کہ فین جوڈ کنوکیں انڈسٹری ءِ جیڑھ ءُ جنجال گیشءُ گیوار کنگءِ ھاترءَ ایوان صدر ایشاں گوں سرجم ءَ کمک کنت۔ آئیءَ وزارت صنعت ءُ پیداوار ءَ را پنتءُ شون کتگ کہ آ پنکہ جوڈ کنوکیں صنعت ءِ جیڑھءُ جنجالانی زوت گیشءُ گیواری ھاترءَ زوت گامگیج بہ کنت، اے ھوالگءَ ھزانگ ءِ وزارت ءِ کمک ھم حاصل کنگ بہ بیت۔