پاکستان ءُ چین ءِ درنیامءَ بے مٹیں سیادی وت مہ وتءَ احترام ءُ اوست مندیءَ چہ اِنت، پاکستان اے نزیکیاناں گیش مھکم کنگءِ ھاترءَ دراھیں موھ آنی دست کپگءِ واھشت مند اِنت، دوھیں ملک آنی اقتصادی ءُ دیمروئی ءِ کوشستانی وسیلگءَ خطہ ءِ اُلس ءِ وشھالی ءِ ھاترءَ کارکنگءَ اَنت مزن ویرمحمد نوا ز شریف ءِ چین ءِ کمپنی نیشنل انرجی ایڈمنسٹریشن ءِ چیئرمین نور بیکری ءِ سروکیءَ گندءُ نندکنوکیں ڈل ءِ گوما گپءُ تران

پاکستان ءُ چین ءِ درنیامءَ بے مٹیں سیادی وت مہ وتءَ احترام ءُ اوست مندیءَ چہ اِنت، پاکستان اے نزیکیاناں گیش مھکم کنگءِ ھاترءَ دراھیں موھ آنی دست کپگءِ واھشت مند اِنت، دوھیں ملک آنی اقتصادی ءُ دیمروئی ءِ کوشستانی وسیلگءَ خطہ ءِ اُلس ءِ وشھالی ءِ ھاترءَ کارکنگءَ اَنت مزن ویرمحمد نوا ز شریف ءِ چین ءِ کمپنی نیشنل انرجی ایڈمنسٹریشن ءِ چیئرمین نور بیکری ءِ سروکیءَ گندءُ نندکنوکیں ڈل ءِ گوما گپءُ تران
چیئرمین ءَ را ہلال پاکستان دادءِ ھاترءَ نامینگ بوھگءِ سرءَ مراد بات داتگ
اسلام آباد۔4جولائی(اے پی پی) محمد نواز شریف ءَ گشتگ کہ پاکستان ءُ چین ءِ درنیامءَ بے مٹیں سیادی وت مہ وتءَ عزتءُ احترام ءُ اوست مندیءِ سرءَ اِنت، پاکستان اے نزیکیاناں گیش مھکم کنگءِ ھاترءَ موھ دست کپگءِ واشت مند اِنت۔ دوھیں ملک اقتصادی ءُ دیمروئی کوشستانی وسیلگءَ خطہ ءِ اُلس ءِ وشھالی ءِ ھاترءَ کار کنگءَ اِنت۔ اے ھیالانی درشانی آئیءَ چین ءِ کمپنی نیشنل انرجی ایڈمنسٹریشن ءِ چیئرمین نوربیکری ءِ سروکیءَ گندءُ نند کنوکیں ڈل ءِ گوما گپءُ تران کنانءَ کتگ۔ ڈل ءِ تہا الیکٹرک پاور پڑ ءِ ڈی جی ہوانگ ژیونونگ، ٹھیل ءُ گیس ءِ پڑ ءِ ڈی جی لیودیشن ، میاں اوستمانی کمک ءِ پڑ ءِ ڈی جی گن جن، عمومی پڑ ءِ ڈائریکٹر ووریوپنگ، میاں اوستمانی کمکءِ ڈپٹی ڈائریکٹر شوژن پنگ ھوار بوتگ۔ سئے شمبے ءِ روچءَ مزن وزیر گس ءَ بوتگیں گندءُ نند پاکستانءِ تہا چینءِ سفیر سن وئی ڈونگ ھم ھوار بوتگ۔ مزن وزیر محمد نواز شریف ءَ کمپنیءِ چیئرمین ءُ ڈل ءَ را وش اَتک کتگ ءُ گشتگ کہ شمئے ترءُ تاب ءَ چہ دوھیں ملک آنی درنیامءَ استیں سیادی گیش مھکمءُ ترند بنت۔ مزن وزیر ءَ گشتگ کہ پاکستان نزیکی آنی مھکمی ءِ وسیلگءَ دمگی ءُ میاں اوستمانی اقتصادی ہم آہنگی ءِ چینی وژن ءِ تہا شریدار اِنتءُ ھمے سوب اِنت پاکستان ’’ یک پٹی یک شاہ دگ‘‘ ءِ گامگیجانی تہا اولی شریداراں چہ یک اِت۔آئی ءَ نیشنل انرجی ایڈمنسٹریشن چائنہ ءَ را ٹرانسمیشن لائن جوڈ کنگءُ ھندی اِشکر ءِ پیداواری منصوبہ جات ءِ تہا ھوار بوھگءِ وسیلگءَ پاکستان ءِ بجلی ءِ پڑءَ زرکاری ءَ را گیش کنگءِ دعوت داتگ۔ مزن وزیر ءَ پاکستان ءِ تہا توانائی ءِ پڑءَ جوانیں ازمتءِ بدل ءَ صدر پاکستان ءِ نیمگءَ چہ کمپنی ءِ چیئرمین ءَ را ہلال پاکستان دادءِ ھاترءَ نامینگ بوھگءِ سرءَ مراد بات داتگ۔ پاکستان ءِ تہا استیں حکومت ءِ دیمروئی ءِ وژن ءَ را ساڑاتگءُ آئیءَ گشتگ کہ نیشنل انرجی ایڈمنسٹریشن وتی وھدءِ تہا پاکستانءِ تہا جاری توانائی منصوبہ آنی سرجم کنگءِ ھاترءَ جزم کتگ۔ گند ءُ نند ءِ تہا آپ ءُ لینءِ وزیر خواجہ محمد آصف ، پنجاپءِ سروزیر شہباز شریف ءُ سینئر حکام ھم ساڑی بوتگ اَنت۔