اسلام آباد۔ 3جولائی (اے پی پی) چین پاکستان اقتصادی راہداری منصوبہ ئَ پاکستان ئَ را دنیا ئِ پسندیں ملک جوڈ کتگ، پاکستان 2025ئَ دنیا ئِ گہتریں ءُ 2047ئَ 10مزنیں معیشت آنی تہا ھوار بیت، انوگیں حکومتئِ گامگیجاں چہ ملک گشادی ئِ گومادیمروئی کنگ ئَ اِنت۔ دوشمبے ئِ روچئَ وزارت منصوبہ بندی ءُ دیمروئی ئِ حکام ئَ ”اے پی پی“ ئَ را ھال داتگ کہ سی پیک ئَ پاکستان ئَ را دنیانئِ پسندتریں ملک جوڈ کتگ، پاکستان سٹاک ایکسچینجئَ را ایشیاءئِ گہتریں سٹاک ایکسچینج لیکگ بوھگئَ اِنت ، ملکی زرمبادلہ ئِ زخائرءِ تہا سئے درسد گیشی بوتگ۔ آئیئَ ھال داتگ کہ پاکستان چینئِ گوما اقتصادی راہداری ئِ وابئَ راپیلو کنگئَ ھوار وتی ورناھیں راھ دربرآنی گوما مزنیں وانگءُ زانگی قابلیت آناں سرجم کنگئِ ھاترئَ امریکہ ئِ گوما علمی راہداری جوڈ کتگءُ 10ہزار راھ دربر آنی امریکی شاہ دربر جاھ ءُ مزنیں تعلیمءُ تربیت ئِ بندوبستئَ کنگئَ اِنت،انسانی ءُ افرادی زرکاریئِ اینچوکیں مزنیں واب پیسرئَ نہ دیستگ۔ آئیئَ گشتگ کہ سی پیک منصوبہ دنیا ئِ تہا جاری درساں چہ مستریں دیمروئی منصوبہ اِت، 55ارب ڈالر مالیت ئَ چہ گیش پاک چین اقتصادی راہداری منصوبہ پاکستان ئَ را گشادی ئِ گوما اقتصادی دیمروئی ئِ نیمگئَ رﺅگئَ اِنت۔ آئیئَ ھال داتگ کہ سی پیک ئِ کسانیں مدتی منصوبہ2017-18وھدے کہ دراج بھریں منصوبہ2020تا2030ئَ سرجم کنگ بنت۔
