ضلع کیچ اٹی تعلیم، جان جوڑی و گوازی تون اوار غٹ بشخ آتا شونداری کن گام گیج کننگ انگ ءِ، ڈاکٹر عبدالمالک بلوچ

کوئٹہ۔ 24 ستمبر (اے پی پی) مسکوہی وزیراعلیٰ بلوچستان و صوبائی اسمبلی نا باسک ڈاکٹر عبدالمالک بلوچ پارینے کہ ضلع کیچ اٹی تعلیم ، جان جوڑی و گوازی تون اوار غٹ بشخ آتاشونداری کن گام گیج کننگ انگ ءِ۔ داخیال آتا درشانی ءِ او تینا ہنکین آ تربت اٹی السی مچی آن تران کرساکرینے۔ اوپارے کہ غٹ بشخ آتا شونداری کن جوان حکمت عملی اسے نا رداٹ گام گیج آتے عملی دروشم اس تننگ انگ ءِ اونا پاننگ ئس کہ بحیثیت ممبر صوبائی اسمبلی ٹیچنگ ہسپتال تربت کن چندی طبی گڑاو سرجری تون اوار ایلو ازباب آتا فراوانی کن 5 کروڑ روپئی نا زر فراوان کننگانے تانکہ مخلوق ءِ کراچی نا جاگہ غا اُرانا درگہ غا درمان نا آسراتی دوئی مرے، تعلیم، جان جوڑی و سفائی آ خاص چکار کننگ انگ ءِ، بجلی حالیت آتا گچینی و پوسکن آٹرانسفارتیکن 10 کروڑ روپئی تخانن ہرافتے ٹی 3 کروڑ روپئی حکومت نا کنڈآن فراوان کننگانے ۔ اوپارے کہ مچ آ ضلع ٹی سڑک آتا جال اس تالان کننگ تون اوار اوار راجی و زرگزرانی ہدف آتا دوئی کننگ کن غٹ دوئی وسیلہ غاتے کاریم اٹ اتنگ انگ ءِ، ہراڑآن نئے بیرہ الس نا زند انا آب بڑزمریک بلکن علاقہ ٹی شونداری و شونہالی ہم بریک۔