اسلام آباد۔23ستمبر (اے پی پی): بیپاری ءِ بنجاہی وزیر جام کمال خانءَ گشتگ کہ پاکستان ءَ فوڈ سیکٹر ءَ ویلیو ایڈیشن ءَ چہ برآمدات چار درسد گیش بوت کناں۔ اے ھیالانی درشانی آئیءَ دوشمبے ءِ روچءَ بیپاری ءِ وزارت ءَ برطانوی ٹریڈ کمشنر اولیور کرسچن ءَ گوں گندءُ نندءِ تہا کتگ۔ بیپاری ءِ بنجاہی وزیر ءَ گشتگ کہ مزن وزیر محمد شہباز شریف ءِ سروکی ءَ برآمدات ءَ را 30 ارب ءَ چہ 60 ارب ڈالرءَ گیش کنگءِ کوشست کنگ بوھگءَ ایں۔ آئیءَ گشتگ کہ پاکستان زیتون ءِ رونءُ موشءَ جوانیں کرد پیلو کنگءَ ایں، برآمدات زوت بندات بنت۔ گندءُ نندءِ تہا برطانوی ٹریڈ کمشنر ءَ گشتگ کہ برطانیہ پاکستان ءِ گوما دونیمگی بیپاریءَ گیش کنگءِ سرجمیں ہمراہ داری ءَ کنت، پاکستان برطانیہ ءِ ھاترءَ کشتءُ کشاری مصنوعات ءِ یک مزنیں وسیلگے جور بوت کنت۔ آئیءَ گشتگ کہ پاکستان ءُ برطانیہ بیپاری گپءُ تران ءِ وسیلگءَ بیپاری سیادی ءَ را گیش کناں، پاکستان ءُ برطانیہ ءِ نیامءَ بیپاری حجم ءِ تہا گیشی المی ایں، دوئیں ملک آنی ھاترءَ نوکیں کِشک پچ بنت۔
