اسلام آباد۔ 23 ستمبر (اے پی پی) انسداد دہشت گردی نا بابت جہانی کانفرنس 25 ستمبر چارشنبے آ بنجائی دارالحکومت اٹی مریک۔ بنجائی وزیر ڈٹ بندی، شونداری وخصوصی گام گیج احسن اقبال مہمان خاص مریک وخت اس کہ ملکی و درملکی چاہندار آک تران کیرہ۔ سرجم حوال آتا رداٹ پنی آ تھنک ٹینک پاکستان انسٹیٹیوٹ فار کانفلکٹ اینڈ سیکورٹی سٹڈیز(پکس) بحریہ یونیورسٹی اسلام آباد نا شریداری اٹ انسداد دہشت گردی نا سرحال آ بحریہ یونیورسٹی ٹی اسہ دے ئی جہانی کانفرنس اس اڈتننگ ءِ۔ داکانفرنس نا مسخت انسداد دہشت گردی نا بابت پاکستان نا داتم اسکان نا سرسہبی و مون تروک ویل آتیا سیراٹ شرہ کرسا قابل عمل پالیسی سلاہ مرتب کننگ ءِ۔ کانفرنس نا بناء بنجائی وزیر ڈٹ بندی احسن اقبال کیک وخت اس کہ پاکستانی و درملکی چاہندار آک مقابلہ جات پیش کیرہ۔ جاڑ انگا شار تا یونیورسٹی و تھنک ٹینکس نا چاہندار، سفارتکار، ادیب، کالم نگار و طالب علم آک کانفرنس اٹی بشخ ہلیرہ۔
