اسلام آباد۔ 23 ستمبر (اے پی پی) وزیراعظم محمد شہباز شریف سعودی عرب نا 94 می قومی دے انا وخت آ سعودی فرمانرواشاہ سلمان بن عبدالعزیز ، ولی عہد و وزیراعظم شہزادہ محمد بن سلمان و سعودی عرب نا الس ءِ مبارکبادی ترسا پارینے کہ پاکستان ءِ سعودی عرب تون تاریخی و ایلمی تعلقداری آ گمر ءِ۔ دوشنبے نادے آ راجی رابطہ نا ویب سائٹ ایکس آ اسہ ٹویٹ …
وزیراعظم شہباز شریف نا سعودی عرب نا قومی دے آ سعودی فرمانروا، ولی عہد و سعودی الس ءِ مبارکباد
گیشتریں ھال
اسلام آباد۔ 23 ستمبر (اے پی پی) وزیراعظم محمد شہباز شریف سعودی عرب نا 94 می قومی دے انا وخت آ سعودی فرمانرواشاہ سلمان بن عبدالعزیز ، ولی عہد و وزیراعظم شہزادہ محمد بن سلمان و سعودی عرب نا الس ءِ مبارکبادی ترسا پارینے کہ پاکستان ءِ سعودی عرب تون تاریخی و ایلمی تعلقداری آ گمر ءِ۔ دوشنبے نادے آ راجی رابطہ نا ویب سائٹ ایکس آ اسہ ٹویٹ اسے ٹی وزیراعظم پارے کہ خادم الحرمین الشر یفین شاہ سلمان بن عبدالعزیز السعود، ولی عہد و وزیراعظم شہزادہ محمد بن سلمان تون اوار اوار مملکت سعودی عرب نا ایلم الس ءِ سعودی عرب نا 94 می قومی دے انا خوشی نا وخت آ است انا حب اٹ مبارکبادی پیش کیوہ، پاکستان ءِ سعودی عرب تون تینا تاریخی برادرانہ تعلقداری آ گمرءِ۔ اوپارے کہ ہڑتوم آملک آک ہرمشکل ساہت اٹی اسہ ایلو تون تفینو، نن سعودی عرب نا عظیم سرکڑدہ غاتا وژن نا رداٹ مثالی شونداری و امت مسلمہ و دنیا ٹی سیوت، امن و ہم آہنگی ءِ مون آ دننگ کن اونا کڑد انا ستاءِ کینہ۔ اللہ رب العزت ننا سعودی ایلم وایڑھ تیا تینا لامحدود رحمت آتے نازل کے۔
